Programa de Doutoramento en Estudos Ingleses Avanzados: Lingüística, Literatura e Cultura

Para acceder a este programa de doutoramento será necesario:
1) Demostrar coñecemento académico avanzado no ámbito dos estudos ingleses, evidenciable principalmente a través dun primeiro grao de especialización no ámbito dos estudos literarios, lingüísticos ou culturais en lingua inglesa ou equivalente de 240 créditos como mínimo, así como un máster de 60 créditos como mínimo, ou a a través dun Diploma de Estudos Avanzados (DEA) ou Suficiencia Investigadora neste ámbito.
2) Demostrar un nivel avanzado (C1) de lingua inglesa oral e escrita, certificable principalmente a través dunha acreditación, certificación oficial das incluídas na lista de acreditacións recoñecidas habitualmente para os distintos niveis do Marco Común Europeo (por exemplo, https://www.usc.gal/es/servizos/clm/acreditacion/index.html) ou, se fose o caso, a través dunha entrevista ou proba. Dicho nivel permitirá que solicitantes de posgrao con Diploma de Estudos Avanzados (DEA), Suficiencia Investigadora ou máster en áreas de Filoloxía, Tradución e Interpretación, Humanidades, Comunicación, Ciencias Sociais e Socioloxía, Ciencias Políticas e da Administración, Mestre en Educación Infantil, Mestre en Educación Primaria, Educación Social e Pedagoxía, Historia e Filosofía poidan acceder e progresar con éxito nun doutoramento en estudos ingleses. A inclusión deste nivel O nivel avanzado de inglés considérase no perfil de ingreso non só por ser a lingua común de comunicación científica a nivel internacional na actualidade no marco de coñecemento da tese, senón tamén porque parte dos cursos, tanto de formación específica como transversal, así como varias das actividades do programa, poden realizarse neste idioma.
3) Aqueles estudantes que teñan realizado un grao ou unha licenciatura, e que ademais teñan completado o Máster en Formación do Profesorado de Educación Secundaria, Bacharelato e Escolas de Idiomas (especialidade linguas e literaturas), deberán demostrar coñecementos básicos predoctorais no ámbito dos estudos ingleses, demostrables mediante a superación obrigatoria de complementos de formación en investigación que consistirán na realización de 15 créditos ECTS dos estudos do Máster en Estudos Ingleses ou equivalente.
4) Para os alumnos que completaran outros másteres e cursos de posgrao afíns á especialidade, nos ámbitos de ciencias da educación, estudos de xénero e feministas, filoloxía, estudos clásicos, tradución, lingüística, historia, filosofía e humanidades, cun mínimo de 60 créditos, a Comisión Académica estudará cada solicitude en particular co fin de determinar se as persoas solicitantes demostran os coñecementos avanzados necesarios en estudos ingleses, determinando os complementos de formación en investigación que deberán realizar. Os complementos de formación non superarán os 15 ECTS e serán dos estudos de Máster en Estudos Ingleses ou equivalentes.

Os requisitos xerais de acceso e admisión son os recollidos no Real Decreto 99/2011, do 28 de xaneiro, polo que se regulan as ensinanzas oficiais de doutorado, modificado polo Real Decreto 576/2023. Estes son:
1. Con carácter xeral, para acceder a un programa oficial de doutorado será necesario estar en posesión dos títulos oficiais españois de Grao, ou equivalente, e de Máster Universitario ou equivalente, sempre que se superasen, ao menos, 300 créditos ECTS no conxunto destas dúas ensinanzas.
2. Así mesmo, poderá acceder quen se atope nalgún dos seguintes supostos:
a) Estar en posesión de títulos universitarios oficiais ou títulos españois equivalentes sempre que se superasen, ao menos, 300 créditos ECTS no conxunto destas ensinanzas e acreditar un nivel 3 do Marco Español de Cualificacións para a Educación Superior.
b) Estar en posesión dun título obtido segundo sistemas educativos estranxeiros pertencentes ao Espazo Europeo de Educación Superior (EEES), sen necesidade da súa homologación, que acredite un nivel 7 do Marco Europeo de Cualificacións sempre que dito título capacite para o acceso a estudos de doutoramento no país de expedición do mesmo. Esta admisión non implicará, en ningún caso, a homologación do título previo do que estea en posesión o interesado nin o seu recoñecemento para outros efectos que o do acceso a ensinanzas de doutoramento.
c) Estar en posesión dun título obtido segundo sistemas educativos estranxeiros alleos ao EEES, sen necesidade da súa homologación, previa comprobación pola universidade de que este acredita un nivel de formación equivalente ao do título oficial español de Máster universitario e que capacita no país de expedición do título para o acceso a estudos de doutoramento. Esta admisión non implicará, en ningún caso, a homologación do título previo ao que estea en posesión o interesado nin o seu recoñecemento para outros efectos que o do acceso a ensinanzas de doutoramento.
d) Estar en posesión doutro título de Doutora ou Doutor.
e) Igualmente poderán acceder os titulados universitarios que, previa obtención dunha praza en formación na correspondente proba de acceso a prazas de formación sanitaria especializada, superasen con avaliación positiva polo menos dous anos de formación dun programa para a obtención do título oficial dalgunha das especialidades en Ciencias da Saúde.

O programa de doutoramento poderase extinguir por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo estudantado no programa de doutoramento.

• En calquera caso todo o estudantado afectado deberá ser informado da extinción e das consecuencias no relativo ao desenvolvemento dos seus estudos.

A universidade adoptará as medidas necesarias para garanti-los dereitos académicos do estudantado que estea cursando os ditos estudios nos termos establecidos na resolución de extinción do plan de estudio, e aprobará o procedemento de extinción dos programas de doutoramento no seo da universidade.

• Comprensión sistemática dun ámbito de estudo e dominio das habilidades e métodos de investigación relacionados con dito ámbito. (Substitúese "campo" por "ámbito" a partir da aplicación do R.D. 576/2023, de 4 de xullo)
• Capacidade de concebir, deseñar ou crear, pór en práctica e adoptar un proceso substancial de investigación ou creación.
• Capacidade para contribuír á ampliación das fronteiras do coñecemento a través dunha investigación orixinal.
• Capacidade de realizar un análisis crítico e de avaliación e síntese de ideas novas e complexas.
• Capacidade de comunicación coa comunidade académica e científica e coa sociedade en xeral sobre os seus ámbitos de coñecemento nos modos e idiomas de uso habitual na súa comunidade científica internacional.
• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.
• Capacidade de fomentar a Ciencia Aberta e a Ciencia Cidadá, de acordo co artigo 12 da Lei Orgánica 2/2023, do 22 de marzo, como forma de contribuír á consideración do coñecemento científico como un ben común, mediante a avaliación de actividades transversais levadas a cabo polo doutorando ou pola doutoranda relacionadas con diferentes dimensións da Ciencia Aberta e da Ciencia Cidadá, así como a capacitación adquirida en ambas disciplinas en formato de microcredenciais ou similar.(A partir da aplicación do R.D. 576/2023, do 4 de xullo)

• Desenvolverse en contextos nos que hai pouca información específica
• Atopar as preguntas craves que hai que responder para resolver un problema complexo.
• Deseñar, crear, desenvolver e emprender proxectos novos e innovadores no seu ámbito de coñecemento
• Traballar tanto en equipo como de maneira autónoma nun contexto internacional ou multidisciplinar
• Integrar coñecementos, enfrontarse á complexidade e formular xuízos con información limitada
• A crítica e defensa intelectual de solucións.

Outras competencias

• COT1 Capacidade de aplicar con criterio os coñecementos adquiridos a distintos ámbitos profesionais e disciplinares en relación directa coa Lingua, Cultura e Literatura dos países de fala inglesa, dotando ao alumno das habilidades e destrezas necesarias para poder realizar tarefas de investigación vinculadas a estes campos.
• COT2 Capacidade para utilizar as ferramentas necesarias para a óptima implementación dos coñecementos adquiridos co fin de alcanzar unha especialización interdisciplinar científica e profesional no ámbito concreto da Lingua, Literatura e Cultura dos países de fala inglesa permitindo ao alumno realizar tamén unha investigación frutífera nestes ámbitos.
• COT3 Capacidade para desenvolver competencias comunicativas con outros membros da comunidade académica, realizar e defender un traballo de investigación crítico, rigoroso, orixinal e académico dentro da comunidade académica propia dos estudos Ingleses.
• COT4 Capacidade para utilizar as novas tecnoloxías da comunicación e información nos distintos ámbitos dos Estudos Ingleses co fin de dar resposta ás necesidades que se deriven da súa tarefa investigadora.

• Capacidade de aplicar con criterio os coñecementos adquiridos a distintos ámbitos profesionais e disciplinares en relación directa coa Lingua, Cultura e Literatura dos países de fala inglesa, proporcionando ao alumno as habilidades e destrezas necesarias para poder realizar tarefas de investigación vinculadas a estes campos.
• Capacidade para utilizar as novas tecnoloxías da comunicación e información nos distintos ámbitos dos Estudos Ingleses, co obxectivo de dar resposta ás necesidades que se deriven da súa tarefa investigadora.
• Capacidade para desenvolver competencias comunicativas con outros membros da comunidade académica, realizar e defender un traballo de investigación crítico, rigoroso, orixinal e académico dentro da comunidade académica propia dos estudos ingleses.
• Capacidade para utilizar as ferramentas necesarias para a óptima implementación dos coñecementos adquiridos co fin de alcanzar unha especialización interdisciplinar científica e profesional no ámbito concreto da Lingua, Literatura e Cultura dos países de fala inglesa, permitindo ao alumno realizar tamén unha investigación frutífera nestes ámbitos.