Programa de Doutoramento en Historia Contemporánea

O perfil de ingreso recomendado é o de estudantes que posúan as capacidades e coñecementos seguintes:

En relación coas técnicas e métodos historiográficos e das ciencias sociais:

• Manexar as ferramentas teóricas das ciencias humanas e sociais

• Comprender en profundidade e analizar criticamente textos historiográficos e teóricos

• Coñecer os debates e tendencias da investigación historiográfica actual

• Distinguir os métodos e obxectos de investigación nas diferentes ramas da historiografía

• Manexar as técnicas de análise de fontes primarias

• Saber efectuar unha lectura crítica das fontes secundarias

• Aplicar a perspectiva histórica a contextos multidisciplinares ou a áreas de estudo diferentes

En relación coa autoaprendizaxe e o manexo da información:

• Destreza para adquirir información de forma autónoma e integrar coñecementos de diversas disciplinas sobre un obxecto de es- tudo específico

• Habilidade para buscar, filtrar sintetizar os coñecementos historiográficos en soporte bibliográfico e en publicacións periódicas

• Saber utilizar os recursos dixitais dispoñibles na rede para recoller información, así como aplicar procedementos específicos para depurala

• Habilidade para someter á crítica a información, elaborala e analizala empregando as técnicas aceptadas entre os historiadores

• Elaborar exposicións orais, escritas e audiovisuais sobre temas historiográficos

• Escribir ensaios académicos e informes profesionais sobre cuestións históricas

En relación coa iniciación á investigación histórica:

• Habilidade para realizar análise de situacións históricas complexas e saber diferenciar e integrar as diversas dimensións dun problema social

• Disposición teórica para a definición de temas de investigación relevantes para o desenvolvemento do coñecemento

• Capacidade para realizar estados da cuestión sobre problemas historiográficos e identificar liñas de investigación

• Habilidade para contextualizar históricamente os fenómenos e os acontecementos contemporáneos

• • Habilidade para comunicar os resultados dun traballo de análise ou de investigación a públicos especializados e non especializados, dun xeito claro e rigoroso
• • Saber delimitar un obxecto de análise e deseñar estratexias de investigación empírica sobre problemas históricos

• • Capacidade para deseñar proxectos de investigación para presentalos en convocatorias de financeamento competitivas

En relación con coñecementos de linguas:

• Coñecemento do español a nivel B2 do Marco Común Europeo de Referencia para as Linguas

• Coñecemento do inglés a nivel B2 do Marco Común Europeo de Referencia para as Linguas.

Acceso

1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

2. Así mesmo, poderá acceder quen se atope nalgún dos seguintes supostos:

a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

1. Expediente académico obtido nos anteriores estudos que dan acceso ao doutoramento.(ata 40%)

2. Currículo do candidato (ata 40%). Valoraranse especialmente:

• As titulacións con competencias e coñecementos relacionadas coas áreas de especialización do Programa de Doutoramento

• As estancias académicas no estranxeiro realizadas no marco dos estudos de grao ou máster, en Universidades ou centros

• de investigación recoñecidos oficialmente

• A obtención de axudas ou bolsas de estudo competitivas nos niveis de grao e máster, especialmente as relacionadas coa área de especialización do Programa

3. Nivel de coñecemento do inglés B2 ou doutras linguas relevantes no contexto científico do Programa. (ata 10%)

4. Entrevista persoal co candidato. Nela valorarase, a través de proba escrita ou oral, se fose preciso, a madurez intelectual do candidato, a súa capacidade de expresión oral ou escrita, a motivación para emprender estudos de doutoramento. (ata 10%).

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Comprensión sistemática dun campo de estudo e dominio das habilidades e métodos de investigación relacionados co devandito campo

• Capacidade de concibir, deseñar ou crear, pór en práctica e adoptar un proceso substancial de investigación ou creación

• Capacidade para contribuír á ampliación das fronteiras do coñecemento a través dunha investigación orixinal

• Capacidade de realizar unha análise crítica e de avaliación e síntese de ideas novas e complexas

• Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento

• Desenvolverse en contextos nos que hai pouca información específica
• Atopar as preguntas craves que hai que responder para resolver un problema complexo
• Deseñar, crear, desenvolver e emprender proxectos novos e innovadores no seu ámbito de coñecemento
• Traballar tanto en equipo como de maneira autónoma nun contexto internacional ou multidisciplinar
• Integrar coñecementos, enfrontarse á complexidade e formular xuízos con información limitada
• A crítica e defensa intelectual de solucións.
•