Programa de Doutoramento en Lóxica e Filosofía da Ciencia

O programa interuniversitario de doutoramento en Lóxica e Filosofía da Ciencia deséñase co obxecto de atender fundamentalmente á demanda dos actuais titulados universitarios que desexen recibir unha especialización adicional ou formación investigadora e que realice un máster relacionado co campo da lóxica e a filosofía da ciencia, aos estudantes de sistemas universitarios estranxeiros que desexen cursar estudos de doutoramento no noso país, e á de profesionais titulados universitarios que decidan actualizar os seus coñecementos e destrezas ou modificar o seu perfil. Os nosos estudantes serán previsiblemente:

‐ Titulados en Filosofía (graduados que realicen un máster afín ao PD ou Doutores que desexen variar o seu perfil).

‐ Titulados no área das ciencias naturais, matemáticas e informática (Graduados ou Doutores que realicen un máster afín ao PD).

‐ Titulados no área das ciencias sociais e filologías (Graduados ou Doutores que realicen un máster afín ao PD).

É necesario que o alumno poida ler correctamente textos filosóficos e científicos polo menos en español e inglés.

Acceso

1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

2. Así mesmo, poderá acceder quen se atope nalgún dos seguintes supostos:

a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

A Comisión Académica do PD, por medio da subcomisión delegada, resolverá sobre a admisión de cada un dos solicitudes, podendo, se o estima oportuno, convocar a unha entrevista ao candidato. A resolución será comunicada aos interesados que a partir dese momento e dentro dos prazos que dispoña cada universidade poderán formalizar a matrícula no PD.

Os criterios de valoración das solicitudes serán os seguintes:

a) Adecuación da titulación alegada para o ingreso. Enténdese que terán preferencia os alumnos que proveñen ou ben do Máster en Lóxica e Filosofía da Ciencia ou do Máster en Estudos Sociais da Ciencia e a Tecnoloxía ou os que, sendo procedentes doutros estudos de nivel equivalente, teñan cursado materias que faciliten a asimilación dos coñecementos e competencias ofrecidos desde o PD

b) Media do expediente académico no título de grado (ou licenciatura) e no título de máster

c) Carta de motivación e de presentación, no seu caso

d) Publicacións científicas

e) Estancias académicas en centros de prestixio

f) Experiencia investigadora

g) Experiencia profesional

h) Becas ou axudas

i) Premios

j) Dominio documentado do inglés ou doutro idioma estranxeiro

k) O compromiso de dirección por parte dun dos profesores do programa

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Comprensión sistemática dun campo de estudo e dominio das habilidades e métodos de investigación relacionados co devandito campo

• Capacidade de concibir, deseñar ou crear, pór en práctica e adoptar un proceso substancial de investigación ou creación

• Capacidade para contribuír á ampliación das fronteiras do coñecemento a través dunha investigación orixinal

• Capacidade de realizar unha análise crítica e de avaliación e síntese de ideas novas e complexas

• Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento

• Desenvolverse en contextos nos que hai pouca información específica
• Atopar as preguntas craves que hai que responder para resolver un problema complexo.
• Deseñar, crear, desenvolver e emprender proxectos novos e innovadores no seu ámbito de coñecemento
• Traballar tanto en equipo como de maneira autónoma nun contexto internacional ou multidisciplinar
• Integrar coñecementos, enfrontarse á complexidade e formular xuízos con información limitada
• A crítica e defensa intelectual de solucións.

Outras competencias

• Capacidade para adquirir coñecementos avanzados nos campos da argumentación e a lóxica, a filosofía da linguaxe , a filosofía da ciencia e da tecnoloxía.
• Capacidade para deseñar un proxecto de investigación co que analizar e avaliar criticamente achegas anteriores e no que poidan aplicar os seus coñecementos e metodoloxía de traballo.
• Capacidade para realizar unha síntese de ideas novas e complexas que produzan un coñecemento máis profundo do contexto investigador no que se traballe.
• Capacidade para elaborar materiais sobre a súa propia investigación e difundir os resultados.

• Capacidade para adquirir coñecementos avanzados nos campos da argumentación e a lóxica, a filosofía da linguaxe , a filosofía da ciencia e da tecnoloxía.

• Capacidade para deseñar un proxecto de investigación co que analizar e avaliar criticamente achegas anteriores e no que poidan aplicar os seus coñecementos e metodoloxía de traballo.

• Capacidade para realizar unha síntese de ideas novas e complexas que produzan un coñecemento máis profundo do contexto investigador no que se traballe.

• Capacidade para elaborar materiais sobre a súa propia investigación e difundir os resultados.