Programa de Doutoramento en Desenvolvemento Rexional e Integración Económica

O perfil de ingreso recomendado para a admisión no período de investigación é ter cursado e superado o Máster en Desenvolvemento Rexional e Integración Económica ofertado pola USC. Neste caso, a actividade no período de investigación centrarase unicamente na elaboración da tese doutoral. Tamén poden ser admitidos no período de investigación os estudantes provenientes de másteres oficiais das áreas de Economía, Empresa, Xeografía, Historia, Relacións Laborais, Ciencias Políticas, se ben todos eles deberán cursar as actividades formativas a tal efecto no período de investigación, antes de elaborar a tese doutoral. Tamén terán acceso sen complementos os estudantes co título de DEA obtido a través dos seguintes Programas da USC:

- Programa de Doutoramento en Economía.

- Programa de Doutoramento en Desenvolvemento Rexional e Integración Económica.

- Programa de Doutoramento en Integración Económica, Desenvolvemento e Medio ambiente.

No caso doutros perfís que non tivesen realizado máster necesitarase unha equivalencia de formación en créditos de investigación, iguais polo menos aos do máster que dea acceso directo, que serán 15 ECTS.

Os estudantes con título estranxeiro sen homologar poderán solicitar a admisión nos estudos de doutoramento sempre que se acredite un nivel de formación equivalente ao do título oficial español de máster universitario e faculte no país expedidor do título para o acceso aos estudos de doutoramento. Esta admisión non implicará, en caso ningún, a homologación do título previo nin o recoñecemento para outros efectos que os de acceso a estas ensinanzas.

Acceso

1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

2. Así mesmo, poderá acceder quen se atope nalgún dos seguintes supostos:

a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Expediente académico: 50%

• Coñecementos de linguas (Os candidatos deberán presentar documentación xustificativa (p.e. First Certificate, etc.): 10%

• Currículo: 20%

• Experiencia profesional (Os candidatos deberán presentar documentación xustificativa (certificación vida laboral, copia de contratos, etc.): 10%

• Experiencia investigadora: (Os candidatos deberán presentar documentación xustificativa (publicación de artigos, monografías, participación en grupos de investigación, etc.): 10%

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Comprensión sistemática dun campo de estudo e dominio das habilidades e métodos de investigación relacionados co devandito campo

• Capacidade de concibir, deseñar ou crear, pór en práctica e adoptar un proceso substancial de investigación ou creación

• Capacidade para contribuír á ampliación das fronteiras do coñecemento a través dunha investigación orixinal

• Capacidade de realizar unha análise crítica e de avaliación e síntese de ideas novas e complexas

• Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Comprender o papel actual do sector público na economía: o marco xeral no que actúa, a necesidade da súa intervención activa en distintos ámbitos (territorial, produtivo e social) e a importancia da súa estrutura multinivel no proceso da toma de decisións.
• Aplicar os criterios e a metodoloxía da análise económica para obter procedementos xerais de deseño e análise de políticas públicas: estruturación de problemas, pronóstico, recomendación e avaliación.
• Avaliar as vantaxes e inconvenientes das diferentes alternativas no deseño de políticas públicas no ámbito internacional, social, agrícola e industrial.
• Aplicar os principios da análise económica para entender a complexidade do mercado de traballo e o seu funcionamento.
• Identificar o modelo de crecemento e integración máis axustado ao comportamento estratéxico dos axentes en diferentes contextos, analizar as variables estratéxicas máis relevantes para os axentes decisores das estratexias de crecemento, estudo empírico e/ou experimental para determinar as variables craves que determinan o desenvolvemento rexional.
• Dominar os fundamentos da economía internacional e, en particular, as teorías da integración económica, as unións aduaneras, os mercados únicos e as unións monetarias.
• Comprender como afecta a nivel local, o contorno macroeconómico mundial e europeo no contexto dunha economía globalizada.
• Coñecer os procedementos para estimar e contrastar as consecuencias da unión económica, con especial atención á avaliación das políticas económicas europeas actuais destinadas ao logro da converxencia.
• Adquirir hábitos e estratexias para a redacción e elaboración de documentos de traballo, comunicacións e relatorios, artigos.
• Demostrar un claro dominio das habilidades e métodos de investigación relacionados co desenvolvemento rexional e os procesos de integración económica, en especial manexar os modelos e as técnicas micro e macro econométricas, así como os programas informáticos habituais na análise empírica.
• Desenvolver a capacidade crítica, impulsar a inquietude e o interese investigador, especializarse no manexo de material bibliográfico, especializarse na utilización de bases de datos e programas informáticos que faciliten o seu tratamento, aprender a transmitir de forma adecuada os desenvolvementos da súa capacidade investigadora a través da confección de artigos científicos e relatorios en congresos.
• Demostrar unha comprensión sistemática da Economía Rexional e dos Procesos de Integración Económica. Realizar unha análise crítica, avaliación e síntese de ideas novas e complexas.

• Comprender o papel actual do sector público na economía: o marco xeral no que actúa, a necesidade da súa intervención activa en distintos ámbitos (territorial, produtivo e social) e a importancia da súa estrutura multinivel no proceso da toma de decisións.

• Aplicar os criterios e a metodoloxía da análise económica para obter procedementos xerais de deseño e análise de políticas públicas: estruturación de problemas, pronóstico, recomendación e avaliación.

• Avaliar as vantaxes e inconvenientes das diferentes alternativas no deseño de políticas públicas no ámbito internacional, social, agrícola e industrial.

• Aplicar os principios da análise económica para entender a complexidade do mercado de traballo e o seu funcionamento.

• Identificar o modelo de crecemento e integración máis axustado ao comportamento estratéxico dos axentes en diferentes contextos, analizar as variables estratéxicas máis relevantes para os axentes decisores das estratexias de crecemento, estudo empírico e/ou experimental para determinar as variables craves que determinan o desenvolvemento rexional.

• Dominar os fundamentos da economía internacional e, en particular, as teorías da integración económica, as unións aduaneras, os mercados únicos e as unións monetarias.

• Comprender como afecta a nivel local, o contorno macroeconómico mundial e europeo no contexto dunha economía globalizada.

• Coñecer os procedementos para estimar e contrastar as consecuencias da unión económica, con especial atención á avaliación das políticas económicas europeas actuais destinadas ao logro da converxencia.

• Adquirir hábitos e estratexias para a redacción e elaboración de documentos de traballo, comunicacións e relatorios, artigos.

• Demostrar un claro dominio das habilidades e métodos de investigación relacionados co desenvolvemento rexional e os procesos de integración económica, en especial manexar os modelos e as técnicas micro e macro econométricas, así como os programas informáticos habituais na análise empírica.

• Desenvolver a capacidade crítica, impulsar a inquietude e o interese investigador, especializarse no manexo de material bibliográfico, especializarse na utilización de bases de datos e programas informáticos que faciliten o seu tratamento, aprender a transmitir de forma adecuada os desenvolvementos da súa capacidade investigadora a través da confección de artigos científicos e relatorios en congresos.

• Demostrar unha comprensión sistemática da Economía Rexional e dos Procesos de Integración Económica. Realizar unha análise crítica, avaliación e síntese de ideas novas e complexas.