Programa de Doutoramento en Educación

Sen complementos de formación:

- Estudantes que cursaron os seguintes másteres da USC:

• Máster Universitario en Investigación en Educación, Diversidade Cultural e Desenvolvemento Comunitario.
• Máster Universitario en Procesos de Formación.
• Máster Universitario en Igualdade, Xénero e Educación.
• Máster Universitario en Investigación en Didáctica das Ciencias Experimentais e da Matemática.
• Máster Universitario de Investigación e Innovación en Didácticas Específicas para Educación Infantil e Primaria.

- Estudantes que cursasen másteres procedentes de outras universidades sempre que acrediten haber cursado créditos de investigación educativa. Así mesmo, os estudantes co título de DEA obtido a través dos programas correspondentes na USC ou en outras universidades.

Outros perfís:

- En caso de outros perfís que non realizasen máster necesitarase unha equivalencia de formación en créditos de investigación, iguales polo menos aos do máster que da acceso directo.

- Para calquera outro perfil a CAPD estudará os casos individualmente, podendo admitir ou non aos/as alumnos/as e establecendo complementos formativos en caso de ser necesario. Estes complementos non poderán superar os 15 ECTS.

Estranxeiros:

- Os estudantes co título estranxeiro sen homologar poderán solicitar a admisión nos estudos de doutoramento sempre que se acredite un nivel de formación equivalente a do título español de máster universitario e faculte no país expedidor do título para o acceso aos estudos de doctorado. Esta admisión non implicará, en ningún caso, a homologación do título previo nin o recoñecemento aos outros efectos que os de acceso a estas ensinanzas.

Acceso

1) Con carácter xeral, para o acceso a un programa de doutorado será necesario estar en posesión dos títulos españois de grao, ou equivalente, e de máster universitario.

2) Así mesmo, poderá acceder quen se encontre nalgún dos seguintes supostos:

a) Estar en posesión dun título universitario español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo art.18 do R.D. 822/2021, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola universidade de que este acredita un nivel de formación equivalente á do título español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3) Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado regulamento para acceder aos estudos de doutoramento.

4) Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5) Poderán acceder aos estudos de doutoramento os licenciados, arquitectos ou enxeñeiros que posúan un título de máster conforme o Real decreto 56/2005 ou o Real Decreto 822/2021, ou teñan superados 60 ECTS de estudos de máster.

6) Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

1) Informe de viabilidade emitido por un/unha profesor/a no marco da liña de investigación á que se vincule.
2) Ademais o/a alumno/a debe ter acreditado un nivel mínimo de coñecementos de castelán/galego equivalente a nivel B1. Este nivel acredítase coa correspondente certificación oficial das incluídas na listaxe de acreditacións recoñecidas polo Centro de Linguas Modernas (CLM) da USC para os distintos niveles do Marco Común Europeo: https://www.usc.gal/es/servizos/clm/acreditacion/index.html

1. Expediente académico: 50%

2. Coñecementos de linguas (Inglés, Francés, Alemán) Débese presentar documentación xustificativa (p.e. First Certificate, etc.): 10%

3. Experiencia profesional: Débese presentar documentación xustificativa (certificación vida laboral, copia de contratos, etc.): 15%

4. Experiencia investigadora: Débese presentar documentación xustificativa (publicación de artigos, monografías, participación en grupos de investigación, etc.): 20%

5. Outros méritos: 5%

• Participación en programas de mobilidade
• Opcionalmente, entrevista coa CAPD na que se valorarán a capacidade de comunicación (argumentativa e analítica), motivación e actitude investigadora.
• Outros méritos relevantes considerados pola CAPD

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

- Comprensión sistemática dun campo de estudo e dominio das habilidades e métodos de investigación relacionados co devandito campo.
- Capacidade de concibir, deseñar ou crear, pór en práctica e adoptar un proceso substancial de investigación ou creación.
- Capacidade para contribuír á ampliación das fronteiras do coñecemento a través dunha investigación orixinal.
- Capacidade de realizar unha análise crítica e de avaliación e síntese de ideas novas e complexas.
- Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional.
- Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Capacidade de identificar dimensións relevantes sobre a aprendizaxe, o ensino ou o desenvolvemento de competencias, de formular obxectivos de investigación que contribúan a ampliar o coñecemento, e de deseñar, levar a cabo e comunicar unha investigación sobre estas cuestións nun ou varios destes campos: Ciencias Experimentais, Ciencias Sociais, Matemáticas, ou Linguaxes Literarias, Lingüísticos ou Artísticos
• Capacidade de deseñar un proxecto de investigación co que levar a cabo unha análise crítica e unha avaliación de situacións complexas e imprecisas, utilizando os coñecementos e a metodoloxía de traballo pertinente para producir un coñecemento máis profundo da diversidade de procesos, contextos e condicións da formación e posibilitar a súa transferencia a diferentes ámbitos laborais e institucionais
• Capacidade de desenvolver a súa actividade investigadora con responsabilidade social e integridade científica, demostrando o dominio de habilidades e métodos de investigación cuantitativos e cualitativos que posibiliten analizar os procesos educativos de desenvolvemento do individuo en sociedades multiculturais

- Capacidade para identificar dimensións relevantes da aprendizaxe, do ensino ou do desenvolvemento de habilidades, para formular obxectivos de investigación que contribúan a ampliar coñecementos e para deseñar, realizar e comunicar investigacións sobre estas cuestións nun ou máis destes campos: Ciencias Experimentais, Sociais. Ciencias, Matemáticas, ou Linguaxes literarias, lingüísticas ou artísticas.

- Capacidade de deseñar un proxecto de investigación co que levar a cabo unha análise crítica e unha avaliación de situacións complexas e imprecisas, utilizando os coñecementos e a metodoloxía de traballo pertinente para producir un coñecemento máis profundo da diversidade de procesos, contextos e condicións da formación e posibilitar a súa transferencia a diferentes ámbitos laborais e institucionais.

- Capacidade de desenvolver a súa actividade investigadora con responsabilidade social e integridade científica, demostrando o dominio de habilidades e métodos de investigación cuantitativos e cualitativos que posibiliten analizar os procesos educativos de desenvolvemento do individuo en sociedades multiculturais.