Programa de Doutoramento en Equidade e Innovación en Educación

a) Os estudantes que cursaran e aprobaran os seguintes másteres impartidos polas Facultades de Ciencias da Educación e Facultades de Formación do Profesorado das cinco Universidades participantes. Entre eles, algúns másteres necesitarán ser completados cunha formación complementaria sobre Metodoloxía da Investigación Educativa.

• Máster en Innovación, orientación e avaliación educativa pola Universidade da Coruña (Complementos de formación: Non)

• Máster Universitario en profesorado ESO, bacherelato, formación profesional e ensino de idiomas pola Universidade da Coruña (Complementos de formación: Si)

• Master Universitario en Investigación e Innovación en contextos educativos pola Universidade de Cantabria (Complementos de formación: Non)

• Máster Universitario en Formación do Profesorado de Educación Secundaria pola Universidade de Cantabria (Complementos de formación: Si)

• Máster Universitario en Intervención e investigación socioeducativa pola Universidade de Oviedo (Complementos de formación: Non)

• Máster Universitario para o profesorado de educación secundaria obrigatoria, bacherelato, formación profesional pola Universidade de Oviedo (Complementos de formación: Si)

• Máster Universitario para o profesorado de educación secundaria obrigatoria, bacherelato, formación profesional pola Universidade de Vigo (Complementos de formación: Si)

• Máster Universitario Educación, Xénero e Igualdade pola Universidade de Santiago de Compostela (Complementos de formación: Non)

• Master Universitario en Procesos de Formación pola Universidade de Santiago de Compostela (Complementos de formación: Non)

• Máster Universitario en Investigación en Educación, Diversidade Cultural e Desenvolvemento Comunitario pola Universidade de Santiago de Compostela (Complementos de formación: Non)

• Máster Universitario en Dirección de Actividades Educativas na Natureza pola Universidade de Santiago de Compostela (Complementos de formación: Non)

• Máster Universitario en profesorado de Educación Secundaria Obrigatoria, Bacherelato, Formación profesional e Ensino de idiomas pola Universidade de Santiago de Compostela (Complementos de formación: Si)

• Máster Universitario en Dificultades de Aprendizaxe e Procesos Cognitivos pola Universidade de Vigo (Complementos de formación: Non)

• Máster Universitario en Investigación psicosocioeducativa con adolescentes pola Universidade de Vigo (Complementos de formación: Non)

• Máster Universitario en necesidades específicas de apoio educativo pola Universidade de Vigo (Complementos de formación: Si)

• Máster Universitario en Intervención Multidisciplinar na Diversidade en Contextos Educativos pola Universidade de Vigo (Complementos de formación: Si)

• Máster Universitario para o profesorado de educación secundaria obrigatoria, bacherelato, formación profesional e ensino de idiomas pola Universidades de Vigo (Complementos de formación: Si)

b) Os solicitantes que teñan un título de Master Oficial, tendo preferencia outros masters vinculados a Ciencias da Educación (distintos aos citados no punto 1) sobre os masters noutras áreas de coñecemento

c) Os solicitantes que acrediten superar 60 ECTS de posgrao dun plan de estudos oficial de Universidades españolas (tendo preferencia os solicitantes que proveñan de títulos de grao no área de Ciencias da Educación, fronte aos provintes de graos doutras áreas de coñecemento.

d) Os solicitantes que acrediten a Suficiencia Investigadora dun programa de doutoramento de Ciencias da Educación regulado polo RD 185/85 e aqueles que acrediten estar en posesión do Diploma de Estudos Avanzados regulados polo RD 778/98

e) Solicitantes en posesión dun título estranxeiro equivalente a Máster oficial do ámbito de Ciencias da Educación que faculten, no país de orixe para o acceso a estudos de doutoramento na fase de investigación (homologado ou sen homologar)

f) Solicitantes doutros masters que no futuro se desenvolvan, vinculados á área de Ciencias da educación

Os casos b, c, d, e, e f serán analizados individualmente pola Comisión Académica do Doutoramento.

Acceso

1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

2. Así mesmo, poderá acceder quen se atope nalgún dos seguintes supostos:

a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

Priorizaranse as solicitudes en función dos seguintes criterios:

1. Terán prioridade de acceso ao Doutoramento os solicitantes que teñan unha traxectoria formativa previa de grao e posgrao do ámbito da Educación priorizados estes candidatos segundo o criterio de expediente académico.

2. En segundo lugar a CAPD poderá admitir a candidatos cuxa formación previa de grao ou máster non estea nuclearmente relacionada coa Educación sempre que a Comisión estime que a súa traxectoria formativa e/ou experiencia laboral previa é coherente co Programa de Doutoramento. Estes candidatos serán igualmente priorizados por expediente académico.

3. Cada universidade realizará a admisión da súa cota de candidatos e, no caso de que a devandita cota non sexa cuberta, as prazas sen adxudicar poderán ser asignadas para candidatos das demais universidades seguindo os mesmos criterios do punto 1.

Os criterios de priorización son os seguintes:

a) -Título previo co que se accede tendo prioridade os títulos de Ciencias da Educación (Pedagoxía, Psicopedagoxía, Educación Social, títulos de Mestre) fronte a outras titulacións. (ata 3 puntos)

b) -Expediente académico e nota do máster si a titulación previa é acorde co programa (ata 3 puntos).

c) -Experiencia investigadora e/ou profesional en calquera dos ámbitos laborais aos que se orientan as liñas de investigación do programa de doutoramento (ata 1 punto)

d) -Obtención de bolsas de investigación (ata 1 punto)

e) -Publicacións relacionadas coa temática do programa de doutoramento (ata 1 punto)

f) -Outros méritos académicos (estancias no estranxeiro, idiomas, etc.) (ata 1 punto).

g) Así mesmo, a Comisión Académica poderá realizar unha entrevista cos candidatos para aclarar e ponderar calquera dos méritos alegados

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Comprensión sistemática dun campo de estudo e dominio das habilidades e métodos de investigación relacionados co devandito campo

• Capacidade de concibir, deseñar ou crear, pór en práctica e adoptar un proceso substancial de investigación ou creación

• Capacidade para contribuír á ampliación das fronteiras do coñecemento a través dunha investigación orixinal

• Capacidade de realizar unha análise crítica e de avaliación e síntese de ideas novas e complexas

• Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• CG1. Capacidade de deseñar un proxecto de investigación no que se poida desenvolver unha análise crítica e avaliativa de situacións complexas e innovadoras utilizando os coñecementos e metodoloxía de traballo para construír e avanzar nas fronteiras de coñecemento no ámbito temático de estudo
• CG2. Desenvolvemento das habilidades para debater, integrando coñecementos de con responsabilidade social e científica, demostrando o dominio de distintas habilidades e métodos de investigación que posibiliten analizar os procesos educativos no actual marco de sociedades cosmopolitas.
• CG3. Desenvolvemento das capacidades comprensivas, de análises e sínteses.
• CG4. Desenvolvemento de capacidades para aplicar coñecementos a contornas novas, para formular e resolver novas preguntas, para suscitar e contrastar novas hipóteses.
• CE1. Capacidade de utilizar e aplicar os coñecementos adquiridos en distintos ámbitos profesionais e disciplinares en relación directa coa Equidade en educación.
• CE2. Capacidade para deseñar e desenvolver alternativas orixinais e innovadoras para dar resposta ás distintas demandas e problemáticas educativas desde a perspectiva da equidade e a xustiza social.
• CE3. Realizar unha contribución a través dunha investigación orixinal que amplíe as fronteiras do coñecemento desenvolvendo un corpus substancial, en torno aos campos da Equidade na Educación e a Innovación
• CE4. Realizar unha análise crítica de avaliación e síntese de ideas novas e complexas, sobre proxectos de investigación en desenvolvemento na área de coñecemento de Educación e equidade, valorando as súas posibilidades de transferencia e mellora das prácticas educativas

CG1 - Capacidade de deseñar un proxecto de investigación no que se poida desenvolver unha análise crítica e avaliativa de situacións complexas e innovadoras utilizando os coñecementos e metodoloxía de traballo para construír e avanzar nas fronteiras de coñecemento no ámbito temático de estudo
CG2 - Desenvolvemento das habilidades para debater, integrando coñecementos de con responsabilidade social e científica, demostrando o dominio de distintas habilidades e métodos de investigación que posibiliten analizar os procesos educativos no actual marco de sociedades cosmopolitas.
CG3 - Desenvolvemento das capacidades comprensivas, de análises e sínteses.
CG4 - Desenvolvemento de capacidades para aplicar coñecementos a contornas novas, para formular e resolver novas preguntas, para suscitar e contrastar novas hipóteses.
CE1 - Capacidade de utilizar e aplicar os coñecementos adquiridos en distintos ámbitos profesionais e disciplinares en relación directa coa Equidade en educación.
CE2 - Capacidade para deseñar e desenvolver alternativas orixinais e innovadoras para dar resposta ás distintas demandas e problemáticas educativas desde a perspectiva da equidade e a xustiza social.
CE3 - Realizar unha contribución a través dunha investigación orixinal que amplíe as fronteiras do coñecemento desenvolvendo un corpus substancial, en torno aos campos da Equidade na Educación e a Innovación
CE4 - Realizar unha análise crítica de avaliación e síntese de ideas novas e complexas, sobre proxectos de investigación en desenvolvemento na área de coñecemento de Educación e equidade, valorando as súas posibilidades de transferencia e mellora das prácticas educativas