Promoción da Saúde

- Distinguir os diferentes factores determinantes da saúde modificables, tanto individuais como medioambientais e sociais.
- Coñecer os modelos e estratexias para a promoción da saúde.
- Coñecer as técnicas de modificación de condutas, especialmente a comunicación persuasiva.
- Saber avaliar programas de educación sanitaria.
- Mellorar a capacidade de comunicación do alumnado.

Docencia expositiva:
O programa da materia comprenderá as seguintes leccións:
1- Promoción da saúde. Conceptos. Modelos. Estratexias.
2- Campos de acción. Contornas saudables
3- A Educación para a Saúde
4- A investigación en Promoción da saúde. Investigación cualitativa: Estudios cualitativos en Promoción da saúde. Investigación cuantitativa: Deseño de cuestionarios.
5- Programas baseados en condutas específicas: Tabaquismo, alcoholismo, exercicio físico.

Docencia interactiva:
Para desenvolver adecuadamente os temas tratados na docencia expositiva os alumnos realizarán seminarios en grupos pequenos:
- Resolución de casos

Traballo:
O alumnado deberá realizar un traballo sobre a temática indicada polo profesor que versará sobre aspectos abordados na docencia expositiva.

-Serrano González, M. I. . La educación para la salud del siglo XXI: comunicación y salud. Díaz de Santos. Madrid:1997
- La Evidencia de la Eficacia de la Promoción de la Salud: Configurando la Salud Pública en una Nueva Europa. MINISTERIO DE SANIDAD Y CONSUMO. Madrid. 2000. ISBN 84-7670-579-4
- Restrepo, H.; Málaga, H. (2001). Promoción de la salud: cómo construir vida saludable. Organización Panamericana de la Salud. OMS.
- Colomer Revuelta, C y Álvarez-Dardet Díaz, C. Promoción de la salud y cambio social. Barcelona: 2006
- I Conferencia Internacional de Promoción de la Salud. Ottawa, 17-21 de noviembre, 1986.
- II Conferencia Internacional de Promoción de la Salud. Adelaida, 1988.
- III Conferencia Internacional de Promoción de la Salud. Sundsvall, Suecia, 9- 15 junio, 1991.
- IV Conferencia Internacional de Promoción de la Salud. Yakarta, 21-25 de julio, 1997.
- V Conferencia Internacional de Promoción de la Salud. México, 5-9 de junio de 2000.
- VI Conferencia Internacional de Promoción de la Salud. Bangkok, Tailandia, 7-11 de agosto de 2005.
- VII Conferencia Internacional de Promoción de la Salud. Nairobi, Kenya, 26-30 de octubre de 2009
- Promoción de salud: Glosario (1999). Madrid: Ministerio de Sanidad y Consumo. OMS

Competencias da titulación ás que contribúe a materia:
- Ser capaz de aplicar medidas de promoción da saúde mediante técnicas de comunicación e educación individual e de grupo.

Competencias específicas da materia:
- Coñecer a influencia da conduta sobre a saúde.
- Coñecer as técnicas de modificación de condutas, especialmente a comunicación persuasiva.
- Saber avaliar programas de educación sanitaria.
- Mellorar a capacidade de comunicación do alumnado.

Na primeira sesión o profesor orientará sobre a bibliografía máis relevante para o estudo dos temas. Nas clases presenciais o profesor sinalará os obxectivos que o alumno deberá alcanzar, presentará os temas destacando os aspectos máis relevantes e actuais fomentando a participación dos alumnos
Con anterioridade ás sesións de seminario o profesor comunicará os obxectivos do mesmo, facilitará a bibliografía básica e orientará sobre a procura de bibliográfica complementaria, e organizará o traballo en diferentes grupos para favorecer o traballo de equipo. O alumno deberá traballar previamente sobre o tema.
A sesión de Seminario será moi activa e participativa asumindo o profesor o papel de introdutor do tema e orientador e moderador das discusións, realizando os alumnos as presentacións dos temas a estudo.
O alumno realizará unha lectura comprensiva dos materiais de clase e da bibliografía recomendada, e reflexionará sobre os contidos da materia.

Realizarase unha avaliación combinada, valorando a participación nas clases e o traballo individual e grupal nos seminarios e a capacidade de interacción no grupo cun peso do 30% da cualificación final. O exame dos contidos teóricos medirá os coñecementos adquiridos cun peso do 70% da cualificación final.

Na segunda oportunidade de avaliación rexerán os mesmos criterios que na primeira.


Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.

Por cada hora de traballo presencial na aula o alumno necesitará 3 horas de traballo individual.

Coñecementos de Saúde Pública e de Epidemiología, así como de lectura en inglés.