Máster Universitario en Psicoloxía do Traballo e as Organizacións e Psicoloxía Xurídica-Forense

É recomendábel que o estudante posúa as seguintes características persoais e académicas:

- Compromiso social.
- Compromiso ético.
- Curiosidade científica.
- Capacidade de análise.
- Capacidade de resolución de problemas e toma de decisións.
- Competencia en ferramentas informáticas e manexo de bases de datos.
- Habilidade para as relacións interpersonais.
- Constancia e responsabilidade no traballo.
- Capacidade de traballo en equipo.

Condicións de terminación:

Obrigatorias: 24
Optativas: 24
Traballo fin de máster: 12
Total: 60

O coordinador/a do mestrado é responsábel do proceso de asignación de titores a cada estudante admitido. Os devanditos titores realizarán un labor continuado de orientación ao/á estudante en todas as continxencias que poidan xurdir ao longo da súa etapa formativa. A comisión académica resolverá as incidencias que se produzan neste proceso, a petición do alumno ou do profesor. Esta encomenda conta tamén co apoio do persoal de administración e servizos do centro.

Por outro lado, o mestrado desenvolverá a súa propia actividade de presentación e acollida dos/as novos/as estudantes no inicio de cada curso académico cunha sesión, esencialmente a cargo da persoa coordinadora do mestrado, en que informará os/as estudantes sobre os obxectivos principais do título, as competencias e destrezas que deben ser atinxidas durante o seu curso ou sobre as prácticas e o traballo de fin de máster en función de cada especialidade. Informarase tamén nesta sesión sobre os servizos de apoio á docencia (Campus Virtual, Biblioteca, recursos informáticos e de tecnoloxías da comunicación) e ás xestións académicas (servizos administrativos do centro e xerais; estrutura de dirección académica da facultade).

O vicerreitorado con competencias en estudantes da USC realiza accións informativas (ben presenciais nos centros docentes, ou ben a través das TIC) que se desenvolven na primeira quincena do curso académico en todos os centros universitarios para dar a coñecer os recursos e servizos de carácter xeral de que dispón a universidade.

A USC conta tamén con outros recursos de apoio para os/as estudantes, tais como a reserva de prazas nas residencias universitarias, ou o Programa de Atención a Estudantes Extracomunitarios (PATEX) do Vicerreitorado con competencias en internacionalización, a través do cal realízanse tarefas de acompañamento dirixidas á integración na cidade e na universidade dos/as estudantes procedentes doutros países.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: Criterios específicos

Titulacións por orde de preferencia.

1) Titulados en Psicoloxía e Relacións Laborais e Recursos Humanos

2) Titulados en Xestión e Dirección Laboral,Dereito, Ciencias do Traballo, Socioloxía, Ciencias Políticas e da Administración, Administración e Dirección de Empresas, Psicopedagoxía, Criminoloxía, Pedagoxía; titulacións afíns a xuízo da Comisión Académica e outras que cursasen 20 ECTS de psicoloxía relacionados co título.

Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.
De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

Criterios de selección:

1 Expediente académico: 60%
2 Coñecemento de linguas (inglés, francés, outros...): 5%
2 Experiencia profesional: 15%
3 Experiencia investigadora: 15%
4 Outros (idiomas, outras titulacións afíns, etc.): 5%

- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
- Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo.
- Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüedades,
- Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

1º- Que os alumnos adquiran as competencias e habilidades necesarias para o desenvolvemento das funcións de avaliación e intervención psicolóxica no ámbito do traballo e as organizacións e xurídica-forense
2º- Que adquiran os coñecementos, a un nivel avanzado, que definen a Psicoloxía do Traballo e das Organizacións e a Psicoloxía Xurídica-Forense, incluíndo as súas teorías, métodos e subáreas de aplicación
3º- Que estean capacitados para tomar decisións dun modo crítico sobre a aplicación e interpretación dos resultados derivados dos procedementos de avaliación e intervención psicolóxica social e forense, así como sobre a conduta humana laboral
4º- Que os alumnos adquiran habilidades e manexen técnicas para a investigación avanzada nos campos da Psicoloxía do Traballo e as Organizacións e da Psicoloxía Xurídica-Forense
5º- Que mostren interese pola aprendizaxe autónoma e continuada, así como pola actualización dos seus coñecementos nos ámbitos da Psicoloxía do Traballo e as Organizacións e da Psicología Xurídica-Forense.
6º- Que saiban orientar a súa actuación profesional a partir do respecto e a consideración dos principios e valores propios da Psicoloxía Xurídica-Forense e Psicoloxía do Traballo e das Organizacións, así como do Código Deontolóxico da profesión.
7º- Que saiba orientar a súa actuación investigadora e profesional a partir do respecto e promoción dos dereitos fundamentais e dos valores propios dunha cultura de paz.
8º- Que os alumnos adquiran habilidades e manexen técnicas para a investigación avanzada nos campos da Psicoloxía do Traballo e as Organizacións e da Psicoloxía Xurídica-Forense

- Ser capaz de elaborar proxectos de intervención nos diversos ámbitos da Psicoloxía do Traballo e as Organizacións e da Psicoloxía Xurídica e Forense
- Ser capaz de establecer as metas da actuación psicolóxica nos contextos organizacional e forense
- Coñecer a un nivel avanzado as diferentes técnicas e ferramentas necesarias para poder entender, medir e/ou solucionar situacións e problemas laborais como conflitos, toma de decisións, satisfacción laboral, clima organizacional, etc.)
- Ser capaz de realizar avaliación psicolóxica e forense nos niveis individual, grupal e comunitario, discriminándoa da avaliación e diagnóstico clínico
- Ser capaz de resolver de problemas psicolóxicos forenses en contextos complexos
- Saber redactar e elaborar informes periciais en todos os ámbitos de intervención na Sala de Xustiza (penal, civil, laboral, menores, etc.)
- Manexar recursos de negociación e mediación para a resolución de conflitos e problemas psicoxurídicos
- Coñecer e asumir as limitacións da avaliación e actuación en Psicoloxía Forense e Psicoloxía das Organizacións, axustándose aos requirimientos deontolóxicos e os estándares internacionais (p.e., APA, SIOP, EFPA)
- Ser capaz de interpretar e valorar a calidade das investigacións que se producen na Psicoloxía do Traballo e as Organizacións e na Psicoloxía Xurídica-Forense e a poboación xeral, os resultados das diferentes fases do proceso de avaliación e intervención.
- Saber levar a cabo avaliacións de risco, reincidencia, de prognóstico de rehabilitación e reinserción social, e permisos penitenciarios
- Saber detectar grupos vulnerábeis ou que mostren risco de exclusión social derivado de problemas sociais específicos

- Que saiba orientar a súa actuación investigadora e profesional a partir do respecto e promoción dos dereitos fundamentais e dos valores propios dunha cultura de paz.
- Capacidade para o traballo en equipo e a colaboración con outros profesionais.
- Capacidade para a aprendizaxe autónoma.
- Habilidade para as relacións interpersonais, respectando as normas básicas de convivencia, os dereitos fundamentais e os valores democráticos.
- Mostrar interese pola aprendizaxe continuada e pola actualización dos seus coñecementos.
- Capacidade de análise e síntese. Saber analizar, sintetizar e resumir a información recibida.
- Capacidade de resolución de problemas e toma de decisións.
- Adaptarse a novas situacións. Transferencia e uso flexíbel do coñecemento.
- Capacidade crítica. Ter capacidade para valorar e discutir o propio traballo
- Compromiso ético