Máster Universitario en Química na Fronteira coa Bioloxía e a Ciencia de Materiais

-

Condicións de terminación:

Obrigatorias: 33
Optativas: 12
Prácticas externas 15
Traballo fin de máster: 30
Total: 90

Desde o momento da admisión, os alumnos estarán en contacto directo co persoal de xestión do máster e, a través deste persoal, co seu coordinador/a. A través deste contacto os alumnos recibirán o asesoramento inicial que precisen en relación coa elección de materias, organización docente do programa, posibilidade de acceder a bolsas/contratos de apoio, etc. Por outra banda, levarase a cabo unha asignación temporal do Traballo Fin de Máster e do titor científico de cada estudante, que a partir dese momento apoiarán e orientarán o alumno en todas as dúbidas que teña ou nas decisións deba tomar. A través de reunións conxuntas do alumno co titor asignado e, eventualmente, co coordinador do máster, realizarase un seguimento periódico da evolución do estudante ao longo do programa.

Ao longo de todo o itinerario de realización do máster, os alumnos/as disporán dunha conta corporativa de correo electrónico, a través da cal recibirán información periódica das actividades organizadas (anuncios de seminarios, de conferencias, de xornadas científicas, etc), así como as comunicacións xerais que afecten o funcionamento propio do centro.

Na páxina web do CiQUS, aloxarase unha sección específica para o programa de máster, a través da cal os alumnos terán acceso á páxina web da universidade co obxecto de poder levar a cabo trámites administrativos, consulta de expediente, consultas sobre a organización docente do curso (horarios, calendario de exames, grupos, etc). Contarán tamén co apoio da plataforma virtual (Campus Virtual) da USC, con toda a información sobre guías docentes, materiais, probas de avaliación, avisos, comunicación cos profesores, etc.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten a

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: criterios específicos

Titulacións de acceso

-Grao ou licenciatura en Química
-Outras titulacións da rama de Ciencias, de Ciencias da Saúde ou de Arquitectura e Enxeñaría que inclúan formación en química e relacionadas co mestrado, como Bioloxía, Bioquímica, Biotecnoloxía, Farmacia, Física. Enxeñaría Química e titulacións afíns
-A Comisión Académica valorará casos individuais non recollidos explicitamente.

Os aspirantes deben demostrar coñecementos de inglés cun nivel mínimo B1. A acreditación dun nivel superior valorarase como mérito curricular adicional.

CRITERIOS DE SELECCIÓN

Expediente académico: 85%
Méritos curriculares adicionales: 10%
Carta de motivación 5%

Información actualizada en cada convocatoria de matrícula

- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
- Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
- Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
- Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

- Saber aplicar os coñecementos adquiridos á resolución de problemas prácticos no ámbito da investigación e a innovación no contexto multidisciplinar da química biolóxica e os materiais moleculares
- Saber aplicar o método científico e adquirir habilidades na elaboración dos protocolos necesarios para o deseño e avaliación crítica de experimentos químicos.
- Ser capaces de debater e comunicar as súas ideas, de forma oral e escrita, a públicos especializados e non especializados (congresos, etc.) dun modo claro e razoado.
- Ser capaces de comprender as responsabilidades sociais e éticas vinculadas á aplicación dos seus coñecementos e xuízos na investigación, o desenvolvemento e a innovación na área da química biolóxica e os materiais moleculares.
- Dispoñer das habilidades que lle permitan desenvolver un modo de estudo e aprendizaxe autónoma.
- Ter capacidade de liderado, creatividade, iniciativa e espírito emprendedor.
- Ser capaces de traballar formando parte de equipos multidisciplinares e colaborar con outros profesionais, en ámbitos nacionais e internacionais.
- Poder manexar bibliografía científica e desenvolver o criterio necesario para a súa interpretación e manexo.
- Ser capaces de manipular con seguridade as sustancias químicas e traballar sen risco nun laboratorio químico.
- Ser capaces de desenvolver as diferentes etapas implicadas nunha investigación (desde concibir unha idea e facer unha procura bibliográfica até a formulación dos obxectivos, o deseño do experimento, a análise dos resultados e a dedución das correspondentes conclusións).
- Poder adaptarse de forma eficiente a futuros estudos de doutoramento en áreas multidisciplinares.

- Coñecer o impacto da química, a química biolóxica e os materiais moleculares na industria, o medio ambiente, a saúde, a agroalimentación e as enerxías renovables.
- Ser capaz de confrontar críticamente os datos experimentais e as hipóteses teóricas.
- Coñecer as normas sobre a prevención de riscos no laboratorio e na industria relacionada coa química.
- Coñecer e entender as ferramentas químicas e as técnicas analíticas que se usan na química biolóxica e os materiais moleculares.
- Saber analizar e utilizar os datos obtidos de xeito autónomo nos experimentos complexos de laboratorio relacionándoos coas técnicas químicas, físicas ou biolóxicas apropiadas.
- Coñecer as bases fisicoquímicas dos procesos biolóxicos.
- Que os estudantes adquiran coñecementos sobre as técnicas avanzadas na caracterización estructural de macromoléculas, supramoléculas e coloides relevantes no ámbito da química biolóxica e os materiais moleculares.
- Adquirir destreza técnica para levar a cabo a caracterización estructural de moléculas, biomoléculas, supramoléculas e nanopartículas e na interpretación dos datos experimentais obtidos.
- Operar coa instrumentación avanzada relacionada coa investigación en química biolóxica e os materiais moleculares.
- Coñecer as posibilidades das técnicas de RMN e ESR para a análise de procesos dinámicos (difusión) de biomoléculas en medios biolóxicos, sendo capaces de procesar e interpretar espectros reais destas técnicas
- Coñecer os conceptos básicos da Química Supramolecular, os tipos máis importantes de entidades supramoleculares, os métodos de caracterización, as súas modificacións e a súa aplicación en Ciencia e Tecnoloxía.
- Coñecer as forzas de interacción débiles que dominan os procesos supramoleculares e que poidan aplicalas á obtención de novos materiais e funcións biolóxicas.
- Coñecer as magnitudes que determinan as propiedades de materiais na nanoescala.
- Coñecer os conceptos básicos da Química dos Materiais Moleculares, os tipos máis importantes, as técnicas para o seu estudo, caracterización, modificación e as súas aplicacións na tecnoloxía actual.
- Que os estudantes coñezan os métodos e a utilidade da nanotecnología para o estudo dos procesos de interese médico e biolóxico.
- Coñecer os procesos de catálise máis relevantes no ámbito da química biolóxica e os materiais moleculares.
- Ser capaz de establecer relacións entre estrutura e reactividade.
- Entender a necesidade e importancia da síntese química así como os seus métodos máis relevantes, incluíndo os fundamentos dos procesos estereoselectivos en química, e ser capaz de deseñar rutas sintéticas de moléculas complexas.
- Saber realizar, presentar e defender individualmente, unha vez obtidos todos os créditos do plan de estudos, un proxecto integral de Química Biolóxica e Materiais Moleculares de carácter investigador no cal se sinteticen as competencias adquiridas nas diferentes ensinanzas do mestrado.
- Saber programar e levar a cabo novos experimentos no laboratorio de forma autónoma e independente.

- Desenvolver capacidades asociadas ao traballo en equipo: cooperación, liderado, saber escoitar. Adaptarse a equipos multidisciplinares.
- Elaborar, escribir e defender públicamente informes de carácter científico e técnico.
- Traballar con autonomía e eficiencia na práctica diaria da investigación ou da actividade profesional.
- Aplicar os conceptos, principios, teorías ou modelos relacionados coa Química Biolóxica e os Materiais Moleculares a contornos novos ou pouco coñecidos, dentro de contextos multidisciplinares.
- Apreciar o valor da calidade e a mellora continua, actuando con rigor, responsabilidade e ética profesional.
- Ser capaces de adaptarse aos cambios, sendo capaz de aplicar con iniciativa as tecnoloxías novas e avanzadas e outros progresos relevantes.
- Demostrar razoamento crítico e autocrítico na procura da calidade e rigor científicos. Manexar as ferramentas informáticas e as tecnoloxías da información e a comunicación, así como o acceso ás bases de datos en liña