Inauguración do Curso de Primavera 'América, Américas' organizado por Lugo Cultural na Facultade de Humanidades

Este martes 11 dará comezo na Facultade de Humanidades do Campus de Lugo a cuarta edición do Curso de Primavera, que leva por título ‘América, Américas’ e que celebrará o acto de inauguración, ás 10:00 horas, no Salón de Actos do centro.
Este curso está organizado polo Convenio Lugo Cultural e no seu acto de apertura estarán presentes o vicerreitor de Cultural, Elías Torres; o alcalde de Lugo, José López Orozco; o vicepresidente primeiro da Deputación Provincial, Antón Bao; o delegado de Cultura da Xunta de Galicia, Xoán Xosé Molina; o xerente da Fundación Caixa Galicia, Sinesio Pérez, e o decano da Facultade, Alexandre Veiga.