Presentación da programación dos Cursos de Verán da Universidade de Santiago

O vicerreitor de Cultura, Elías Torres, xunto co responsable dos Cursos de Verán da USC, Pablo Sampedro, presentarán este mércores, día 9, en roda de prensa a programación completa destes cursos da Universidade de Santiago. A presentación, á que tamén asistirán directores de varios deles, desenvolverase ás 12:00 horas no Salón Reitoral do Colexio de San Xerome.
Nesta ocasión, a USC organiza un total de 31 cursos de verán -dez máis que o pasado ano- tendo lugar dezasete no Campus de Santiago, cinco no de Lugo, tres no Campus de Verán de Vilagarcía de Arousa, e un en Caldas de Reis, Catoira, Foz, Lalín, Sarria e Seoane do Caurel.