Programa de Doutoramento en Comunicación e Información Contemporánea

O perfil de ingreso establece os coñecementos, habilidades e capacidades que debe posuír o estudante que desexe acceder a este programa e, como consecuencia, as titulacións de acceso ao programa máis axeitadas e que determinan a admisión e, no seu caso, a necesidade, ou non, de realizar complementos formativos por parte do doutorando/a.
- Perfil de ingreso sen complementos de formación
De forma xeral, poderán acceder sen necesidade de realizar complementos de formación, os alumnos que cursaran algún máster oficial adscrito á/s rama/s de coñecemento de Xornalismo, Comunicación Audiovisual e Publicidade, e Relacións Públicas, e ao/s ámbito/s de coñecemento de Xornalismo, Comunicación, Publicidade e Relacións Públicas. Tamén terán acceso ao programa sen cursar complementos os estudantes co título de DEA obtido a través de os programas específicos de Xornalismo, Comunicación Audiovisual e Publicidade, e Relacións Públicas. No caso doutros perfís que non teñan realizado un máster, necesitarase unha equivalencia de formación en créditos de investigación igual, polo menos, aos do máster que dá acceso directo.
- Perfil de ingreso de estudantes provenientes de titulacións afíns
Tamén poderán acceder estudantes procedentes de titulacións afíns. Considerarase titulación afín todos os másteres oficiais da gran área de Ciencias Sociais, agás os específicos de Xornalismo, Comunicación Audiovisual e Publicidade, e Relacións Públicas. A comisión académica avaliará de forma individualizada cada caso para determinar a obrigatoriedade de cursar un itinerario de formación complementaria a través da superación de materias específicas de comunicación (como máximo ata 15 créditos ECTS), que poderán escollerse entre a oferta obrigatoria contemplada no máster de Xornalismo ou de Comunicación que se impártese nese momento na Facultade de Ciencias da Comunicación da USC. Esta determinación establecerase a partir da memoria da formación de orixe (Mestrado ou DEA), así como das materias destes programas cursadas por cada alumno, atendendo especialmente ás competencias adquiridas polos aspirantes en temas específicos do ámbito da comunicación e da información.
Os alumnos que accedan ao doutoramento procedentes de titulacións afíns ao ámbito da comunicación e da información deberán cursar un máximo de 15 créditos, que serán asignados pola CAPD entre as materias do mestrado de Xornalismo ou de Comunicación que se imparta nese momento na Facultade de Ciencias da Comunicación da USC.
- Outros perfís
No caso doutro tipo de perfís diferentes dos anteriores, a comisión académica do programa de doutoramento establecerá a esixencia da superación de complementos de formación específicos de comunicación, que poderán elixirse entre a oferta obrigatoria contemplada no máster de Xornalismo ou de Comunicación que se imparta nese momento na Facultade de Ciencias da Comunicación da USC.
Para calquera outro perfil, a CAPD estudiará os casos individualmente, podendo admitir ou non aos/ás alumnos/as e establecendo complementos formativos, no caso de ser necesario. No caso de que o/a alumno/a careza da formación previa esixida no programa, a admisión poderá quedar condicionada á superación dos complementos de formación que estableza a Comisión Académica. Estes complementos non poderán superar os 15 créditos ECTS.

Os requisitos xerais de acceso e admisión son os recollidos no Real Decreto 99/2011, do 28 de xaneiro, polo que se regulan as ensinanzas oficiais de doutorado, e na súa modificación polo Real Decreto 576/2023, do 4 de xullo. Estes son:
1. Con carácter xeral, para o acceso a un programa oficial de doutorado será necesario estar en posesión dos títulos oficiais españois de Grao, ou equivalente, e de Máster Universitario ou equivalente, sempre que se superasen, como mínimo, 300 créditos ECTS no conxunto destas dúas ensinanzas.
2. Así mesmo, poderá acceder quen se atope en algún dos seguintes supostos:
a) Estar en posesión de títulos universitarios oficiais ou títulos españois equivalentes sempre que se superasen, como mínimo, 300 créditos ECTS no conxunto destas ensinanzas e acreditar un nivel 3 do Marco Español de Cualificacións para a Educación Superior.
b) Estar en posesión dun título obtido conforme a sistemas educativos estranxeiros pertenecentes ao Espazo Europeo de Educación Superior (EEES), sen necesidade da súa homologación, que acredite un nivel 7 do Marco Europeo de Cualificacións sempre que dito título habilite para o acceso a estudos de doutoramento no país de expedición do mesmo. Esta admisión non implicará, en ningún caso, a homologación do título previo que posúa o interesado nin o seu recoñecemento para outros efectos diferentes aos do acceso a ensinanzas de doutoramento.
c) Estar en posesión dun título obtido conforme a sistemas educativos estranxeiros alleos ao EEES, sen necesidade da súa homologación, previa comprobación pola universidade de que este acredita un nivel de formación equivalente ao do título oficial español de Máster universitario e que habilita no país de expedición do título para o acceso a estudos de doutoramento. Esta admisión non implicará, en ningún caso, a homologación do título previo que posúa o interesado nin o seu recoñecemento para outros efectos que o do acceso a ensinanzas de doutoramento.
d) Estar en posesión doutro título de Doutor ou Doutora.
e) Igualmente poderán acceder os titulados universitarios que, previa obtención de praza en formación na correspondente proba de acceso a prazas de formación sanitaria especializada, teñan superado con avaliación positiva polo menos dous anos de formación dun programa para a obtención do título oficial dalgunha das especialidades en Ciencias da Saúde.

É requisito obrigatorio para a admisión no programa de doutoramento en Comunicación e Información Contemporánea a presentación por parte do/a estudante dunha carta de referencia dun/ha profesor/a do programa que avale a viabilidade da futura tese no marco da liña de investigación á que se vincule.
Ademais, dadas as características e o nivel científico do programa de doutoramento, os/as alumnos/as que procedan de países cuxo idioma oficial non sexa o español, agás os alumnos que procedan de países cuxo idioma oficial sexa o portugués, deberán acreditar un nivel de coñecemento B2 de español.

O programa de doutoramento poderá extinguirse por algunha das seguintes causas:

Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao amparo dos procesos de revisión e mellora do título de acordo co procedemento aprobado pola universidade.

• Que se dea calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do estudantado que estea a cursar estes estudos nos termos establecidos na resolución de extinción do plan de estudos, e aprobará o procedemento de extinción dos programas de doutoramento no seo da universidade.

- Comprensión sistemática dun ámbito de estudo e dominio das habilidades e métodos de investigación relacionados con dito ámbito. (Substitúese "campo" por "ámbito" a partir da aplicación do R.D. 576/2023, de 4 de xullo)
- Capacidade de concebir, deseñar ou crear, poñer en práctica e adoptar un proceso substancial de investigación ou creación.
- Capacidade para contribuír á ampliación das fronteiras do coñecemento a través dunha investigación orixinal.
- Capacidade de realizar unha análise crítica e de avaliación e síntese de ideas novas e complexas.
- Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional.
- Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.
- Capacidade de fomentar a Ciencia Aberta e a Ciencia Cidadá, conforme ao artigo 12 da Lei Orgánica 2/2023, do 22 de marzo, como maneira de contribuír á consideración do coñecemento científico como un ben común, mediante a avaliación de actividades transversais levadas a cabo polo doutorando ou doutoranda relacionadas con diferentes dimensións da Ciencia Aberta e da Ciencia Cidadá, así como a capacitación adquirida en ambas disciplinas en formato de microcredenciais ou similar. (A partir da aplicación do R.D. 576/2023, do 4 de xullo)

• Obter o dominio das distintas metodoloxías, sistemáticas e instrumentais da investigación (xa no campo da investigación básica ou aplicada, xa cun sesgo cuantitativo ou cualitativo) a través do estudo de diversos modelos de análises e interpretación, autores de referencia, escolas epistemolóxicas, etc
• Adquirir o potencial creativo e de xeración de ideas orixinais de cara á superación de e/ou resolución de problemas vinculados á praxe académica e profesional nos ámbitos da Comunicación e Información, primando o recurso a aquelas habilidades de tipo disrutivo
• Capacidade emprendedora e innovadora aplicable a diversos medios e soportes informativos e comunicativos, tanto a partir da reflexión teórica como do desenvolvemento de obxectos de estudo aplicado de carácter innovador
• Adaptación do perfil do candidato (bagaxe sociocultural, habilidades innatas e adquiridas, et
• c), como garante da súa imbricación no tornadizo ámbito da comunicación multimediática en diversos contornos socioculturais ou tecnoeconómicos
• Obter a capacidade analítica e crítica no seguimento das rutinas profesionais e académicas nos diversos campos disciplinares que integran a Comunicación e a Información Contemporánea
• Competencia técnica e profesional para a investigación cunha actitude decididamente coalescente entre o ámbito académico e as demandas da sociedade na que se inscribe, asumindo dinámicas de innovación e transferencia tecnolóxica e de coñecemento
• Coñecemento das estruturas, tecnoloxías e procesos comunicativos nas diferentes fases da cadea de valor das industrias culturais e nas interaccións entre os axentes comunicativos: autores, institucións, empresas, medios, soportes e receptores
• Xestión de principios toraeles na investigación no campo da comunicación, principalmente no concernente á análise e a xestión de recursos tecnolóxicos e humanos entre as institucións e empresas do sector
• Coñecemento epistemolóxico e metodolóxico das diversas ramas da investigación, desenvolvemento e innovación da comunicación audiovisual, do xornalismo e dos contornos tecnolóxicos emerxentes

- Obter a capacidade analítica e crítica no seguimento das rutinas profesionais e académicas nos diversos campos disciplinares que integran a Comunicación e a Información Contemporánea.
- Coñecemento epistemolóxico e metodolóxico das diversas ramas da investigación, desenvolvemento e innovación da comunicación audiovisual, do xornalismo e dos entornos tecnolóxicos emerxentes.
- Xestión da investigación no campo da comunicación, principalmente no relativo á análise e á xestión de recursos tecnolóxicos e humanos entre as institucións e empresas do sector.
- Coñecemento das estruturas, tecnoloxías e procesos comunicativos nas diferentes fases da cadea de valor das industrias culturais, e nas interaccións entre os axentes comunicativos: autores, institucións, empresas, medios, soportes e receptores.
- Competencia técnica e profesional para a investigación cunha actitude decididamente conciliadora entre o ámbito académico e as demandas da sociedade na que se inscribe, asumindo dinámicas de innovación e transferencia tecnolóxica e de coñecemento.
- Adaptación do perfil do candidato (bagaxe sociocultural, habilidades innatas e adquiridas, etc.), como garantía da súa integración no cambiante e dinámico ámbito da comunicación multimedia en diversos contornos socioculturais ou tecnoeconómicos.
- Capacidade emprendedora e innovadora aplicable a diversos medios e soportes informativos e comunicativos, tanto a partir da reflexión teórica como do desenvolvemento de obxectos de estudo aplicado de carácter innovador.
- Adquirir o potencial creativo e de xeración de ideas orixinais para superar e/ou resolver problemas vinculados á práctica académica e profesional nos ámbitos da Comunicación e Información, priorizando o uso daquelas habilidades de tipo disruptivo.
- Obter o dominio das distintas metodoloxías, sistemáticas e instrumentais da investigación (xa no campo da investigación básica ou aplicada, xa cun sesgo cuantitativo ou cualitativo) a través do estudo de diversos modelos de análise e interpretación, autores de referencia, escolas epistemolóxicas, etc.