Programa de Doutoramento en Matemáticas e Aplicacións

• Requisitos

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Extinción do título

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

Os complementos de formación que a  CAPD pode recomendar (ata 15  ECTS) para os distintos perfís de ingreso poden ser:    

• Materias dos másteres universitarios impartidos polas Universidades participantes.
• Materias doutros másteres oficiais que a xuízo da CAPD complementen a formación do alumnado.

• Álxebra, Lóxica, Combinatoria e Aplicacións

  Profesores	Área
  Leovigildo Alonso Tarrio	Álxebra
  Manuel Eulogio Ladra Gonzalez	Álxebra
  José Javier Majadas Soto	Álxebra
  Ana Jeremías López	Álxebra
  Jose Manuel Casas Mirás	Escola de Doutoramento Internacional

• Análise e Aplicacións

  Profesores	Área
  Juan José Nieto Roig	Análise Matemática
  Rodrigo Lopez Pouso	Análise Matemática
  Maria Victoria Otero Espinar	Análise Matemática
  Alberto Cabada Fernandez	Análise Matemática
  Francisco Javier Fernandez Fernandez	Análise Matemática
  Iván Carlos Area Carracedo	Escola de Doutoramento Internacional
  Fernando Adrian Fernandez Tojo	Análise Matemática
  Jorge Losada Rodriguez	Análise Matemática
  Lucia Lopez Somoza	Análise Matemática

• Xeometría e Aplicacións

  Profesores	Área
  Eduardo Garcia Rio	Xeometría e Topoloxía
  Modesto Ramon Salgado Seco	Xeometría e Topoloxía
  Jose Carlos Diaz Ramos	Xeometría e Topoloxía
  Miguel Brozos Vázquez	Escola de Doutoramento Internacional
  Miguel Dominguez Vazquez	Xeometría e Topoloxía

• Topoloxía, Sistemas dinámicos, Análise Global, Análise sobre variedades e Aplicacións

  Profesores	Área
  Jesús Antonio Álvarez López	Xeometría e Topoloxía
  Enrique Macías Virgós	Xeometría e Topoloxía
  Antonio M. Gómez Tato	Xeometría e Topoloxía

• Estatística, Optimización e Aplicacións

  Profesores	Área
  Raquel Menezes Mota Leite	Escola de Doutoramento Internacional
  Alberto Adrego Pinto	Escola de Doutoramento Internacional

O programa de doutoramento en Matemáticas e Aplicacións pretende que o estudante de doutoramento adquira as capacidades de investigación e de transferencia máis relevantes, o que lle permitirá ter mellores oportunidades para establecer contactos con futuras perspectivas de traballo. De feito, un programa conxunto de doutoramento dá ao estudantado un acceso máis amplo e variado aos recursos das diversas institucións, aos profesores e investigadores, e proporciona maiores oportunidades que as atribuídas a un programa involucrando unha única institución. O estudantado deste tipo de doutoramento pode aproveitar os puntos fortes da cada institución para iniciar e desenvolver as súas carreiras científicas.

Preténdese ademais que o alumnado adquira a capacidade para concibir, proxectar e desenvolver temas de investigación, de forma autónoma ou en colaboración, respectando patróns de calidade e integridade académicas; que realicen traballos de investigación con resultados orixinais que contribúan ao ensanchamento das fronteiras do coñecemento nas respectivas áreas de investigación e que sexan merecedores de publicación en revistas internacionais especializadas con sistema de arbitraxe; finalmente, preténdese que sexa quen de analizar criticamente e sintetizar ideas novas e complexas, así como de comunicar coa comunidade científica e coa sociedade en xeral.

Nunha perspectiva máis xeral, os doutoramentos deben ser capaces de: interpretar e modelizar problemas científico-tecnolóxicos e de percibir a súa relevancia económica e social, construíndo a unha visión crítica do coñecemento e da realidade.
O programa de doutoramento en Matemáticas e Aplicacións pretende fomentar a aplicación de aspectos relevantes das Matemáticas á Física, Bioloxía, Medicina, Computación, Ecoloxía, Biotecnoloxía, Economía,… e o desenvolvemento de habilidades experimentais e de modelización nas áreas anteriormente citadas.

Débese resaltar que un programa desta natureza tenta unir potencialidades mediante o reagrupamento temático para evitar unha fragmentación excesiva e conseguir así programas multidisciplinares que resulten máis atractivos e permitan optimizar os recursos de PDI, aumentar o carácter internacional dos programas (mediante a incorporación de redes e socios estratéxicos, a participación de profesorado e estudantado internacionais e/ou a mobilidade do persoal), e finalmente incorporar relacións e alianzas mediante convenios con outras institucións nacionais e estranxeiras, públicas e persoais, nunha contorna de colaboración científica e de innovación.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento

• Competencias específicas

  • Desenvolverse en contextos nos que hai pouca información específica.
  • Atopar as preguntas chave que hai que responder para resolver un problema complexo.
  • Deseñar, crear, desenvolver e emprender proxectos novos e innovadores no seu ámbito de coñecemento.
  • Traballar tanto en equipo como de maneira autónoma nun contexto internacional ou multidisciplinar. Integrar coñecementos, enfrontarse á complexidade e formular xuízos con información limitada.
  • A crítica e defensa intelectual de solucións.

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título