Máster Universitario en Investigación Biomédica

Entre as calidades desexábeis para o futuro estudante do Mestrado Universitario en Investigación Biomédica figuran:

-Nivel medio/alto de inglés.
- Capacidade de traballo.
- Disposición para o traballo en equipo.
- Capacidade de razonamento lóxico.
- Capacidade de obter, interpretar e aplicar coñecementos.
- Espírito científico.
- Habilidade para a resolución de problemas.

Obrigatorias: 21
Optativas: 15
Traballo fin de máster: 24
Total: 60

Ao longo de cada curso académico levarase a cabo unha titorización individualizada dos alumnos a cargo de membros do equipo docente do máster e o doutoramento. Isto conlevará reunións periódicas entre o alumno e o seu titor polo menos unha vez cada dous meses, onde se discutirá o itinerario académico a seguir polo alumno, a elección dun director para o traballo de fin de máster, e todas os demais temas e incidencias que puidesen xurdir no transcurso dos estudos.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: Criterios Xerais.

Titulacións de Acceso:

Graos en Bioloxía, Farmacia, Medicina, Veterinaria, Química, Bioquímica, Biotecnoloxía, Enxeñaría Biomédica, Enxeñaría Informática, Enxeñaría da Saúde, Física, Matemáticas, Odontoloxía, Enfermaría, Psicoloxía, Ciencias do Mar ou calquera outra titulación de grao que inclúa estudos de bioloxía fundamental ou medicina.

Outras titulacións admitidas pola Comisión Académica de acordo co carácter transversal do título.

Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B2, consonte o Acordo do Consello de Goberno da USC do 30 de xullo de 2018.
De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

Información actualizada en cada convocatoria de matrícula

1. Saber aplicar as técnicas adecuadas para a resolución dun problema concreto de Biomedicina, e poder levar a cabo un proxecto de investigación na materia baixo supervisión, non só nos temas cubertos polas materias, senón en contextos máis amplos ou ata multidisciplinares.
2. Poder emitir xuízos sobre hipóteses, propostas experimentais ou experimentos xa realizados do campo da investigación biomédica, tanto sobre a validez científica como sobre aspectos éticos e sociais do enxuiciado.
3. Ser capaz de traballar en equipo nun ambiente multidisciplinar para conseguir obxectivos comúns desde perspectivas diferenciadas.
4. Ser capaz de comunicar as súas propostas, experimentos, resultados, conclusións e críticas tanto ante públicos especializados como non especializados.
5. Posuír as habilidades de aprendizaxe necesarias para manterse ao día no campo da investigación biomédica e as súas técnicas de forma autónoma.

1. Entender como as alteracións dos procesos biolóxicos que manteñen o equilibrio na célula e nos tecidos do organismo poden provocar a patoloxía humana.
2. Coñecer a anatomía do xenoma, a información obtida polo proxecto xenoma humano, a distribución de alelos nas poboacións humanas e as técnicas usadas para estudar o xenoma.
3. Desenvolver a habilidade de entender as alteracións e identificar posibles puntos de intervención terapéutica de calquera enfermidade que se poida atopar como obxecto de estudo na súa carreira profesional.
4. Coñecer o marco legal no que se desenvolve a investigación biomédica e ser capaz de emitir xuízos autónomos sobre as implicacións éticas desta investigación.
5. Ser capaz de deseñar experimentos no campo da Biomedicina, aplicando as técnicas adecuadas para responder á pregunta pertinente.
6. Desenvolver habilidade práctica no laboratorio de Biomedicina. Ser capaz de seguir un protocolo experimental de forma autónoma.