Máster Universitario en Psicoloxía

Sería desexábel que os/as alumnos/as do mestrado mostren interese en adquirir os coñecementos e competencias dirixidos á formación avanzada nos ámbitos de especialidade ofertados na titulación, así como a capacidade de desenvolver e aplicar as habilidades de interacción que vai requirir o seu desempeño profesional nestas áreas de especialización.

Obrigatorias: 18
Optativas: 42
Prácticas externas 18
Traballo fin de máster: 12
Total: 90

O mestrado desenvolverá a súa propia actividade de presentación e acollida dos/as novos/as estudantes no inicio de cada curso académico cunha sesión, esencialmente a cargo da persoa coordinadora do mestrado, ne que se informará aos/as estudantes acerca dos obxectivos principais do título, as competencias e destrezas que deben ser alcanzadas ao final do mesmo, o Prácticum e o Traballo de fin de máster en función de cada especialidade. Será tamén obxecto desta sesión a información sobre os servizos de apoio á aprendizaxe (Campus Virtual, Biblioteca, recursos informáticos e de tecnoloxías da comunicación) e ás xestións académicas (servizos administrativos do centro e xerais; estrutura de dirección académica da facultade).

Pola súa banda, o vicerreitorado con competencias en estudantes da USC realiza accións informativas (ben presenciais nos centros docentes, ou ben a través das TIC) que se desenvolven na primeira quincena do curso académico en todos os centros universitarios para dar a coñecer os recursos e servizos de carácter xeral de que dispón a Universidade. A USC conta tamén con outros recursos de apoio para os/as estudantes, tais como a reserva de prazas nas residencias universitarias, ou o Programa de Atención a Estudantes Extracomunitarios (PATEX) do Vicerreitorado con competencias en internacionalización, a través do cal realízanse tarefas de acompañamento dirixidas á integración na cidade e na universidade dos/as estudantes procedentes doutros países.

Ademais, a Facultade de Psicoloxía desenvolve ao longo do curso accións de apoio e orientación aos/ás estudantes matriculados/as, mantén actualizado permanentemente un portal web da Facultade en que se presenta a información de interese (anuncios de cursos, charlas e actividades, horarios de clase, calendario de exames, programas de materias, horario de titorías do profesorado, normativas), e desenvolve cursos de presentación e formación de usuarios/as para coñecer e adquirir dominio dos servizos que se prestan e do manexo dos recursos dispoñíbeis no sistema de bibliotecas da USC.

A atención máis específica desde o órgano académico responsábel do mestrado prevese, principalmente, a través do seu coordinador/a do mestrado e dos coordinadores/as de cada unha das súas especialidades. Dado o número de estudantes previstos, é perfectamente factíbel unha atención personalizada paraas dúbidas e necesidades de cada estudante, que se complementará con reunións para orientar sobre procesos específicos, especialmente prácticum e TFM, que se realizarán, de modo ordinario, durante o segundo semestre de primeiro curso.

Aos/as estudantes estranxeiros/as que teñan dificultades coas linguas utilizadas no mestrado serán orientados para que contacten co Centro de Linguas Modernas (CLM) da USC, que oferece cursos de español para estranxeiros/as e de galego para persoas que non dominan esta lingua.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: criterios xerais

Titulación de acceso:

Graduado ou licenciado en Psicoloxía

Información actualizada en cada convocatoria de matrícula

- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.

- Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo.

- Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.

- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.

- Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

- Ser capaz de realizar unha análise da realidade con base nos criterios e coñecementos científicos da psicoloxía.

- Saber elixir unha estratexia apropiada para manexar os problemas formulados na práctica profesional e na investigación en psicoloxía, axustada ao contexto e ás competencias que un/a mesmo/a posúe.

- Ser capaz de estabelecer obxectivos de intervención e/ou investigación psicolóxica que sexan aceptábeis éticamente, realizábeis, e susceptíbeis de seren avaliados posteriormente.

- Saber formular propostas de investigación, pertinentes e actualizadas documentalmente, a partir do coñecemento da disciplina, da práctica profesional e das necesidades sociais, e levalas a cabo desde un punto de vista científico e innovador.

- Demostrar capacidade para axustar o exercicio profesional ao código ético e deontolóxico da psicoloxía, así como aos principios de igualdade de oportunidades e respecto á diversidade.

- Saber estabelecer e manter relacións con outros/as profesionais e con organizacións relevantes para a profesión.

- Saber informar e proporcionar retroalimentación das actuacións e proxectos ás persoas a quen van dirixidos, comunicando con claridade, e adaptando o discurso ás características dos/as destinatarios/as, persoas, grupos, organizacións e institucións.

- Saber deseñar e xestionar a prestación dos servizos, ben como empresa autónoma ou como parte dunha empresa privada ou pública, incluíndo o manexo de aspectos operativos de xestión de persoal, financeiros, de planificación e de organización.

- Desarrollar capacidad de valoración crítica de las posibilidades y limitaciones de los métodos y las técnicas de investigación y/o intervención en psicología

- Saber identificar, seleccionar y emplear estrategias, técnicas, instrumentos y/o bases de datos para la investigación y/o intervención en Psicología de acuerdo con los objetivos planteados

- Ser capaz de diseñar, programar e implementar investigaciones y/o planes de intervención en psicología

- Ser capaz de evaluar planes de intervención y/o proyectos de investigación en psicología, a partir de criterios éticos, de calidad y de utilidad, teniendo en cuenta los objetivos, los instrumentos necesarios y los recursos disponibles

- Desarrollar habilidades de dirección y gestión de programas, servicios y centros en psicología

- Demostrar capacidade de manexo de fontes documentais, selección, análise e síntese de información relevante de textos ou documentos científicos

- Demostrar capacidade de resolver problemas e tomar decisións adaptadas ao contexto

- Demostrar capacidade de reflexión e razoamento crítico

- Demostrar capacidade para traballar en equipo e colaborar eficazmente con outras persoas

- Saber actualizar e desenvolver os coñecementos e as habilidades adquiridas, de acordo cos cambios da disciplina, os estándares e requisitos da profesión, e a normativa aplicable