Máster Universitario en Química Orgánica

Non se contempla

Condicións de terminación:

Obrigatorias: 18
Optativas: 12
Traballo fin de máster: 30
Total: 60

Despois do período de matrícula e uns días antes do inicio formal do curso académico, desenvólvese un acto de recepción aos novos estudantes, para darlles a benvida e presentarlles os coordinadores, titores e profesores. No devandito acto son informados tamén dos servizos que reciben polo feito de seren estudantes e tamén de calquera normativa que lles poida ser de especial interese para o adecuado desenvolvemento da súa vida no campus.

Cada unha das universidades do consorcio mantónn através das súas páxinas WEB, folletos institucionais, coordinadores do mestrado e unidades de Información que permiten orientar e reconducir as dúbidas dos estudantes xa matriculados.

O Máster en Química Orgánica, ademais de contar cos procedementos de acolleita e orientación a estudantes de novo ingreso, establecerá un Plan de Acción Titorial, que comeza co nomeamento do Titor académico antes. Neste plan contémplase que os alumnos teñan un apoio directo no seu proceso de toma de decisións e o seguimento continuo a través da figura do titor.

Os mecanismos básicos do Plan de Acción Titorial desde a entrada no Máster son: a titoría de matrícula: que consiste en informar, orientar e asesorar ao estudante respecto de todo aquilo que é competencia do plan de estudos e o sistema de apoio permanente aos estudantes unha vez matriculados, que consistirá nun seguimento directo do estudante durante todos os seus estudos de Posgrao. Na carta de admisión ao Máster infórmase aos estudantes do titor que teñen asignado.

O Titor tamén recollerá cantas suxestións lle queiran facer chegar os estudantes sobre o funcionamento do Máster así como as reclamacións que crean pertinentes. O titor dará coñecemento das mesmas ao Coordinador do Máster da súa institución, que tratará, no caso das reclamacións, de buscar unha solución satisfactoria. Si o alumno non estivese conforme coa resolución, elevará a reclamación á Comisión Interuniversitaria de Coordinación do Máster a través de calquera dos seus representantes, sendo aquela a que decidirá sobre a cuestión suscitada. En última instancia seguirase o establecido para a resolución das reclamacións polos procedementos dos respectivos Centros responsables.

O procedemento institucional basearase na recepción, atención e transmisión das suxestións e reclamacións recibidas a través do Centro de Estudos de Posgrao así como no estudo de mecanismos de mellora convenientes en cada caso. A estes efectos estableceuse un buzón de suxestións na páxina web do devandito Centro de Estudos de Posgrao.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: Procedimiento de admisión: criterios específicos

Titulacións de acceso:

-Titulación en Química ou titulación afín.
En todo caso, o solicitante debe posuír un coñecemento suficiente de Química Orgánica, acreditada mediante a adquisición das competencias e habilidades de Química Orgánica xeral, Síntese Orgánica e Determinación Estrutural estabelecidas nos plans de estudo do Grado en Química nas universidades do consorcio.

CRITERIOS DE SELECCIÓN:
Expediente académico: 25-40%
Formación en Quím. Orgán: 30-50%
Adecuación ao perfil: 10-15%
Outros méritos 10-15%

Información actualizada en cada convocatoria de matrícula

- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
- Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo.
- Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
- Que os estudantes posúan as habilidades de aprendizaxe que lles permitan continuar estudando dun modo que terá de ser en grande medida autodirixido ou autónomo.

- Realizar unha toma rápida e eficaz de decisións no seu labor profesional e/ou investigador
- Acceder á información necesaria (bases de datos, artigos científicos, etc.) e ter suficiente criterio para a súa interpretación e emprego
- Desenvolver as diferentes etapas implicadas nunha investigaciónn (desde concibir unha idea e facer a procura bibliográfica até a formulación dos obxectivos, o deseño do experimento, a análise dos resultados e a dedución de conclusións).
- Estar ben preparados para seguir futuros estudos de doutoramento en áreas multidisciplinares
- Estar ben preparados para desenvolver un traballo en empresas tecnolóxicas relacionadas coa química orgánica
- Presentar públicamente os resultados dunha investigaciónn ou un informe técnico
- Aplicar o método científico e os principios da química orgánica para formular e resolver problemas complexos
- Traballar en equipo con eficiencia no seu labor profesional e/ou investigador

- Coñecer os fundamentos e aplicacións das técnicas espectroscópicas utilizadas en química orgánica para a determinación estrutural e a análise orgánica
- Coñecer os métodos máis habituais para o estudo teórico das moléculas orgánicas e os mecanismos de reacción
- Coñecer e comprender os mecanismos de reacción comunmente aceptados en química orgánica e os métodos máis habituais dispoñíbeis para a sua determinación
- Coñecer as aplicacións biolóxicas e médicas dos compostos orgánicos
- Coñecer os procedementos experimentais de traballo nos laboratorios, protocolos de produción, técnicas experimentais avanzadas e sistemas de normalización da calidade de procesos e de produtos
- Coñecer os métodos e estratexias máis relevantes da síntese orgánica moderna, incluíndo procesos estereoselectivos e procesos catalíticos, e ser capaces de deseñar rutas de síntese de moléculas orgánicas complexas
- Coñecer o impacto da química orgánica na industria, medio ambiente, farmacia, saúde, agroalimentación e enerxías renovábeis
- Coñecer as normas sobre a prevención de riscos no laboratorio e na industria relacionada coa química orgánica
- Coñecer a síntese e reactividade de compostos heterocíclicos, así como as súas aplicacións en química supramolecular e o seu papel como compoñentes de produtos naturais e fármacos
- Coñecer os tipos estruturais de produtos naturais, así como as rutas biosintéticas xerais dos metabolitos secundarios e os seus mecanismos de formación
- Coñecer os conceptos básicos da química supramolecular e química macromolecular orgánica
- Coñecer os tipos máis importantes de macromoléculas orgánicas e entidades supramoleculares orgánicas, a súa caracterización, modificacións e a súa aplicación en ciencia e tecnoloxía
- Coñecer os conceptos básicos da química de materiais moleculares orgánicos, os tipos máis importantes, as técnicas para o seu estudo, caracterización, modificación e as súas aplicacións na tecnoloxía actual
- Saber realizar, presentar e defender individualmente, unha vez obtidos todos os créditos do plan de estudos, un proxecto integral de química orgánica de carácter investigador no cal se sinteticen as competencias adquiridas nas diferentes ensinanzas do mestrado

- Manexar as ferramentas informáticas e as tecnoloxías da información e a comunicación, así como o acceso a bases de datos en liña
- Desenvolver a capacidade de comunicación científico-técnica en castelán e en inglés, tanto de forma oral como escrita, utilizando os medios audiovisuais máis habituais
- Elaborar e redactar informes, proxectos de traballo ou artigos científicos e outros documentos de carácter científico-técnico, así como de formular hipóteses razoábeis
- Demostrar capacidade de aprendizaxe e traballo autónomo para o desenvolvemento da súa vida profesional
- Desenvolver sensibilidade e responsabilidade sobre temas enerxéticos, medioambientais e éticos
- Demostrar razoamento crítico e autocrítico na procura da calidade e rigor científicos
- Adaptarse aos cambios, sendo capaz de aplicar tecnoloxías novas e avanzadas e outros progresos relevantes, con iniciativa e espírito emprendedor
- Potenciar a motivación e interese pola investigación científica