Escola Técnica Superior de Enxeñaría
Isabel Vidal (isabel.vidal@usc.es)
Ponente: Antonio Campo Lopez (Experto en aplicación de Válvulas de Control)
Este curso ofrece unha formación práctica e aplicada sobre os elementos de control e as válvulas de control empregadas en procesos industriais. Preséntanse os principios básicos de funcionamento das válvulas e o seu papel dentro dos sistemas de control de procesos.
Abórdanse os criterios fundamentais para a correcta selección e localización das válvulas de control nas distintas aplicacións industriais, tendo en conta as condicións reais de operación, como caudais, presións e rangos de funcionamento. Analízanse, así mesmo, boas prácticas para a súa instalación e integración no proceso.
O curso presta especial atención á influencia das características dos fluídos de proceso —como a viscosidade, densidade, corrosividade ou presenza de sólidos— na elección do tipo de válvula máis axeitado. Finalmente, trátase a especificación técnica das válvulas de control, tanto na fase preliminar como na especificación final, co obxectivo de garantir un funcionamento seguro, eficiente e acorde cos requirimentos técnicos e operativos do proceso industrial.
Nº horas: 6 h
Datas, horario e lugares:
-
Luns 16/03 de 11:00 a 13:00 telemático
-
Xoves 26/03 de 18:15 a 20:15 presencial (aula A6)
-
Venres 27/03 de 12:00 a 14:00 presencial (aula de proxectos)
Procedemento de inscrición en 2 pasos: Inscrición utilizando o código QR ao final desta páxina + correo electrónico a aula.profesional [at] usc.es (aula[dot]profesional[at]usc[dot]es) indicando no asunto AP14_25 antes do venres 13 marzo ás 20 horas.
Curso gratuíto para socios de ISA e cun custo de 35 € para os non socios (o pago do curso permite optar a un ano de membresía en ISA sen custo adicional)
Titulacións: Todo o estudantado da ETSE.
Para o estudantado do GrEQ: Avaliarase a asistencia (50%) e a adquisición de coñecementos mediante a entrega á finalización da sesión das notas manuscritas tomadas durante o transcurso da actividade (50%). Unha vez avaliadas, as notas manuscritas serán devoltas ao estudantado que así o solicite.
