A Facultade de Filoloxía da USC ofrece o máis completo catálogo (5 graos e 5 mestrados) de estudos lingüísticos e literarios que se pode atopar na Galiza, adecuado ás esixencias dunha sociedade moderna e aberta para o mundo. O centro conta con profesorado cualificado e os espazos e recursos (biblioteca, aulas de informática, laboratorios de idiomas etc.) destinados a que as nosas tituladas e os nosos titulados adquiran competencias avanzadas nas linguas e un coñecemento profundo das súas literaturas e culturas, sexan quen de se desenvolveren en contextos multiculturais e multilingües e posúan as habilidades necesarias para aplicaren os seus coñecementos a distintas actividades profesionais (docencia, mediación comunicativa, planificación lingüística, edición, tradución etc.).