Máster Universitario en Estudos Medievais Europeos: Imaxes, Textos e Contextos

O Máster está dirixido fundamentalmente a egresados que proceden das titulacións de Historia, Historia da Arte e Filoloxía, interesados en profundar na Idade Media dun xeito interdisciplinar. De todas formas, a súa estrutura facilita o acceso de calquera graduado doutras titulacións, sobre todo do campo das Humanidades ou das Ciencias Sociais, que desexen completar a súa formación no ámbito dos estudos medievais.

Obrigatorias: 30
Optativas: 18
Traballo fin de máster: 12
Total: 60

O coordinador do título facilitará aos alumnos información sobre os contidos das materias, os procesos administrativos, contidos da web propia e do centro, proceso de defensa do TFM, etc. en sesións informativas colectivas e individuais. Ademais, os coordinadores de cada materia atenderán os problemas e as dúbidas xurdidas sobre calquera aspecto desta. Por outra parte, o coordinador de Prácticas Externas está dispoñible para o asesoramento relacionado coa oferta de entidades, solicitudes, convocatorias, informes, etc.

O primeiro día do curso organizarase unha sesión informativa especial a cargo da coordinadora do Máster e dun representante do equipo decanal, na cal se explicarán, sobre todo para os alumnos que proveñan doutros centros e universidades, tanto as normas xerais de funcionamento da facultade (aulas de informática, préstamo bibliotecario, salas de estudo, situación dos despachos dos profesores, etc.) como as orientacións xerais sobre o plan de estudos do Máster.

Para o caso dos estudantes que acceden á USC, a ORE é a responsábel de realizar o proceso de acollida. Esta Oficina expide distintas credenciais (matrícula, cursos de español, visado de estudos, etc.). Poste

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: con límite de prazas e criterios xerais.

Por orde de preferencia:

1. Licenciatura ou Grao en Filoloxía (en todas as súas especialidades), Historia, Historia da Arte e Humanidades.

2. Licenciatura ou Grao en Xeografía e en Filosofía, Diplomados en Documentación.

3. Outras titulacións das ramas de Humanidades ou Cienciais Sociais e Xurídicas.

Información actualizada en cada convocatoria de matrícula

- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
- Que os estudantes saiban aplicar os coñecementos adquiridos e a súa capacidade de resolución de problemas en contornas novas ou pouco coñecidos dentro de contextos máis amplos (ou multidisciplinares) relacionados coa súa área de estudo;
- Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos;
- Que os estudantes saiban comunicar as súas conclusións –e os coñecementos e razóns últimas que as sustentan– a públicos especializados e non especializados dun modo claro e sen ambigüidades;
- Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirixido ou autónomo.

- Que os estudantes sexan capaces de establecer as pertinentes interrelaciones entre as diversas disciplinas que integran o Máster.
- Que os estudantes posúan habilidade comunicativa a nivel oral e escrito na difusión do patrimonio europeo medieval.
- Que os alumnos saiban aplicar as ferramentas, programas e aplicacións informáticas específicas propias dos estudos medievais.
- Que os alumnos teñan capacidade de síntese e análise na exposición dos contidos.
- Que os estudantes sexan capaces de aplicar o xuízo crítico no dominio da bibliografía xenérica e específica relativa ao ámbito dos estudos medievais.
- Que os estudantes posúan as destrezas fundamentais para aplicar os coñecementos adquiridos á valoración e difusión do patrimonio europeo medieval.

- Adquisición de coñecementos precisos sobre fenómenos relativos aos cambios históricos, artísticos e literarios producidos en Europa durante o período medieval.
- Capacidade para situar en sincronía e diacronía os fenómenos sociais, estéticos e económicos dentro do contexto da Europa medieval, con xuízo para discernir as analoxías e diferenzas que se producen nas diversas zonas obxecto de estudo.
- Capacidade para propor alternativas viables a cuestións problemáticas relativas á investigación no patrimonio medieval europeo.
- Capacidade para elaborar un discurso histórico, artístico e/ou filolóxico de tipo crítico en calquera ámbito da docencia ou a investigación.
- Aptitude para promover iniciativas investigadoras que dinamicen a nivel social a valoración do patrimonio cultural medieval.
- Capacidade para dirixir equipos humanos con intereses académicos e investigadores na cultura medieval e a súa difusión.
- Habilidade para realizar propostas novas no ámbito da conservación e interpretación do patrimonio cultural medieval nas súas diversas manifestacións.
- Dominio da terminoloxía específica aplicada á investigación nos estudos medievais.
- Manexo das novas tecnoloxías da información e da comunicación aplicadas ao ámbito investigador dos estudos medievais.
- Capacidade para establecer a relevancia e prioridade de cuestións e problemas que xurdan durante o exercicio da actividade investigadora.
- Facer posible que os estudantes coas súas investigacións contribúan ao desenvolvemento cultural europeo a través da correcta interpretación e transmisión do patrimonio medieval nas súas diversas manifestacións culturais.
- Contribuír de modo especial ao desenvolvemento de Galicia mediante a correcta valorización, interpretación e contextualización do legado cultural medieval que posúe.