Acto de Graduación XII promoción do Grao en Química da USC

O venres 19 de xullo, ás 17.30h, tivo lugar na Aula Magna da Facultade de Química o Acto de Graduación da XII promoción do Grao en Química da USC. O evento foi presidido pola vicerreitora de Política Científica da Universidade de Santiago de Compostela, dona Pilar Bermejo Barrera e contou tamén coa presenza do decano do centro, don Jesús Sanmartín Matalobos, a Directora Técnica de Nanogap, dona Iria Rodríguez Arias, o decano-presidente do Colexio Oficial de Químicos de Galicia, don Manuel Rodríguez Méndez, e as madriñas da promoción, dona Ana María González Noya e dona Matilde Fondo Busto.